HeadHunter Qazaqstan kompanıasy qazaqstandyqtardyń eńbekaqy kólemin anyqtaý maqsatynda saýalnama júrgizdi, - dep habarlaıdy «Qamshy» portaly.

Saýalnamaǵa sáıkes, 2015 jyly kúzde shıkizat óndirisi, keńes berý, qurylys jáne quqyqtaný salalarynda eńbek etetinder eń joǵary eńbekaqy alǵan.

Sarapshylar 2015 jyldyń 1 qyrkúıegi men 30 qarashasy aralyǵynda jarıalanǵan bos jumys oryndaryna taldaý júrgizgen. Osylaısha olar qaı sala mamandaryna eń joǵary jalaqynyń usynylatynyn anyqtady. Nátıjesi tómendegideı:

Shıkizat óndirisi - 275 000 teńge (qazan 2015);
Keńes berý - 187 000 teńge (qazan 2015);
Qurylys - 150 000 teńge;
Quqyqtaný - 150 000 teńge (qarasha 2015);
Óndiris - 140 000 teńge (qyrkúıek 2015).
Eń tómen jalaqy myna sala mamandaryna usynylǵan:

Ákimshilik qyzmet - 80 000 teńge (qyrkúıek – qazan 2015);
Qaýipsizdik - 85 000 teńge (qyrkúıek, qarasha 2015);
Ǵylym, bilim - 90 000 teńge (qyrkúıek 2015).

"Keıbir salada qyrkúıek jáne qarasha aılarynyń aralyǵynda baqylaý júrgizý arqyly jalaqynyń birtendep óskenin baıqadyq. Mysaly, myna salalarda: aqparattyq tehnologıalar; býhgalterıa, basqarýshylyq esep, kásiporyn qarjysy; marketıń, jarnama, PR; ákimshilik qyzmet; bankter, ınvestısıalar, lızıń; qyzmetkerlerdi basqarý, trenıńter; ǵylym, bilim; saýda", - dep málimdedi NeadHunter Qazaqstan sarapshylary.