Qazaqstan Respýblıkasynyń Qarýly Kúshteri, basqa da áskerleri men áskerı qurylymdarynyń áskerı oqý oryndarynyń kýrsanttary jáne áskerı kafedralardyń stýdentteri arasynda Qarýly kúshterdiń İİİ Spartakıadasy ótti, - dep habarlaıdy «Qamshy» portaly.
1941-1945 jyldardaǵy Uly Otan Soǵysy Jeńisiniń 70 jyldyǵyna arnalǵan Spartakıadanyń jeńimpazdaryn marapattaý rásimi Almaty qalasyndaǵy Radıoelektronıka jáne baılanys áskerı-qurlyq ınstıtýtynda bolyp ótti.
Marapattaý rásimin Qazaqstan Respýblıkasynyń Qarýly Kúshteri Bas shtab bastyǵynyń orynbasary Ámir Halyqov júrgizip, Spartakıada jeńimpazdaryn arnaıy gramotalarmen marapattady. Saıys qorytyndysy boıynsha Qazaqstan Respýblıkasynyń Ulttyq ulany Áskerı ınstıtýtynyń kýrsanttary júldeli birinshi oryndy jeńip aldy jáne arnaıy Qarýly Kúshterdiń kýbogymen marapattaldy.
«Jańa báseke zamanynda ózderiniń myqty maman-ofıser bolýǵa degen yntasyn únemi dáleldep keledi. Bolashaq ofıser mamany barlyq turǵydan shyńdalǵan, urys taktıkalaryn senimdi túrde qoldana alatyn, saptyq jáne jaýyngerlik daıarlyq ázirlikterinen myqty bolýy tıis. Bul – zaman talaby», - deıdi Qazaqstan Respýblıkasynyń Qarýly Kúshteri Bas shtab bastyǵynyń orynbasary Ámir Halyqov.
