Qazaqstan Respýblıkasynyń Prezıdenti Nursultan Nazarbaev Reseıde «Halyqaralyq qatynas» atalymy boıynsha «Jyl adamy-2015» syılyǵynyń laýreaty atandy. Saltanatty marapattaý rásimi Máskeýdegi Qutqarýshy Hrıst Shirkeýinde ótti, - dep habarlaıdy «Qamshy» portaly QazAqparatqa silteme jasap.

Uıymdastyrýshylar - Orys bıografıalyq ınstıtýty men Ekonomıkalyq strategıalar ınstıtýtynyń habarlaýynsha, Nursultan Nazarbaev álemdik saıasattaǵy úzdik jetistigi jáne Eýrazıalyq ekonomıkalyq odaqty nyǵaıtýdaǵy úlesi úshin bul syılyqqa laıyq dep tanyldy.

Eske salaıyq, 2012 jáne 2014 jyly da Qazaqstan Kóshbasshysy osy ataqqa ıe bolǵan bolatyn.

Sondaı-aq osy jylǵy laýreattar arasynda RF Prezıdenti V. Pýtın, BR Prezıdenti A. Lýkashenko, QHR Tóraǵasy Sı Szınpın, Kýba Prezıdenti R. Kastro, Tatarstannyń Tuńǵysh Prezıdenti M. Shaımıev, Máskeý jáne búkil Reseı Patrıarhy Kırıl, akademık L. Bokerıa, kınorejısser N. Mıhalkov, t.b. bar.