Keshe Qaraǵandyda birqatar memlekettik qyzmetshilerdiń ústinen qozǵalǵan qylmystyq is boıynsha sot otyrysynda aıyptalýshylardyń aqyrǵy sózi tyńdaldy, - dep habarlaıly «Qamshy» portaly.
Sot otyrysynda sóz alǵan eldiń burynǵy Premer-mınıstri Serik Ahmetov Elbasydan keshirim surady.
«Men Memleket basshysy, Ult kóshbasshysy, ózimniń ustazym ári tálimgerim Nursultan Ábishuly Nazarbaevtan onyń senimin aqtaı almaǵanym úshin jáne osynshama ýaıymǵa salǵanym úshin keshirim suraımyn» dedi aqtyq sózin aıtqan S. Ahmetov.
Sotta ol ózine taǵylyp otyrǵan aıyptardyń eshqaısysymen kelispeıtinin aıtqan eks-premer:
«Eger sot pen Elbasy maǵan qaıtadan sapqa oralýǵa múmkindik berse, men Memleketimiz ben Prezıdentimizdiń ıgiligi úshin eńbek ete beremin. Qandaı jaǵdaı bolmasyn men elim men Elbasyǵa adalmyn» dedi.
Atalǵan is boıynsha sot úkimi erteń oqylady.
Esterińizge salsaq, osyndaı aıyppen qamaýǵa alynǵan Pavlodar oblysynyń burynǵy ákimi Erlan Aryn da byltyr qarasha aıynda Elbasydan keshirim surap, artynsha qamaýdan bosaǵan bolatyn. Sot oǵan shartty túrde 3 jyl bas bostandyǵynan jáne «Qurmet», «Parasat» ordenderinen aıyrý jazasyn kesken edi.
