Almaty qalasy İİD uıymdasqan qylmyspen kúres basqarmasy eki kún boıy qalada jeńil júristi qyzdardy anyqtaý jáne tıisti jazaǵa tartý boıynsha arnaıy reıd ótkizdi. Reıd barysynda 182 jezókshe anyqtalǵan, - dep habarlaıdy «Qamshy» portaly Almaty qalasy İİD-i baspasóz qyzmetine silteme jasap.
«Ustalǵan 182 jezóksheniń jeteýi Ózbekstan azamatshalary kórinedi. Barlyq ustalǵan qyzdar ishki ister organdaryna jetkizilgen. Sheteldik jezóksheler bir aı merzimge ýaqytsha ustaý ızolátoryna jabylyp, bir aıdan soń el aýmaǵynan shyǵarylady» delingen İİD taratqan habarlamada.
Polıseıler habarlaǵandaı, jeńil júristi 55 qyz qoǵamdyq orynda kópshilikti mazalaǵany úshin ákimshilik jaýapqa tartylatyn bolady. Sondaı-aq, reıd barysynda 5 jeńgetaılyq kórsetý deregi anyqtalǵan.
Sonymen qatar, shara barysynda jeńil júristi qyzdarǵa «qyzmet alańyn» usynǵan qonaq úıler de anyqtalyp, jazaǵa tartylýda. Jyl basynan beri polıseıler Almatydaǵy jezókshelerge bólmelerin usynyp kelgen qonaq úılerge 16 mıllıon teńgeden astam aıyppul salǵan.
