3 jeltoqsanda Almaty irgesindegi Ótegen batyr kentinde joǵalyp ketken qyz búgin tabyldy, - dep habarlaıdy «Qamshy» portaly Ulttyq ulan «Ońtústik» óńirlik qolbasshylyǵy baspasóz qyzmetine silteme jasap.
Joǵalǵan qyzdyń tabylǵandyǵy týraly buǵan deıin «Feısbýk» áleýmettik jelisinde erikti izdeýshiler toby da habarlaǵan bolatyn.
«3 jeltoqsan kúni Jetigen eldi mekeninde turatyn Aızada Avlatarovany izdestirýge polısıa qyzmetkerlerimen qatar Ulttyq ulan sarbazdary da jumyldyrylǵan bolatyn. Búgin joǵalǵan qyz İle aýdanynyń aýmaǵynan tabylyp, Qapshaǵaı qalasyndaǵy polısıa qyzmetkerlerine tapsyryldy. Aızadanyń tabylǵandyǵy týraly onyń týystaryna da eskertildi. Sonymen qatar, ony urlady degen kúdikpen ustalǵan azamat ta polısıaǵa jaýap berýde» dedi Ulttyq ulan «Ońtústik» óńirlik qolbasshylyǵy qolbasshysynyń orynbasary Nurbaı Bektursynov.
Esterińizge salsaq, 20 jastaǵy Aızada Avlatarova 3 jeltoqsan kúni Jetigen eldi mekeninen Ótegen batyr kentine sabaqqa shyǵyp, orta jolda joǵalyp ketken bolatyn.
