Qaraǵandy oblysynyń burynǵy ákimi sotta aqtyq sózin sóıledi, - dep habarlaıdy «Qamshy» portaly.

Ózine taǵylǵan aıyptarmen kelispeıtinin aıtqan Baýyrjan Ábdishev memlekettik qyzmette tek halyq pen Prezıdent múddesi úshin eńbek etkenin aıtty.

«Men ózimniń barlyq sanaly ómirimdi Otanyma arnadym jáne onyń adal azamaty boldym. Kóp balaly otbasyndy týyp-óstim. Bizdiń otbasymyzdaǵy basty qundylyq adal eńbek boldy. Men ómir boıy, 8-synyptan bastap adal eńbek ettim. Sol eńbegimniń arqasynda, Elbasynyń arqasynda mańyzdy laýazymda bolý qurmetine ıe boldym» degen B. Ábdishev óziniń memlekettik qyzmette Elbasynyń adal sarbazy bolǵandyǵyn aıtty.

«Ýaqyt pen shyndyqty jeńgen eshkim joq. Barlyǵyn ýaqyt óz ornyna qoıady. Halyq meniń istegen jumysyma alǵysyn aıtyp keldi, aıtyp ta jatyr» dedi B. Ábdishev.

Aıyptaýshy tarap, Qaraǵandy oblysy nyń burynǵy ákimi Baýyrjan Ábdishevti jeti jyl bas bostandyǵynan aıyrý týraly jaza suraǵanyn esterińizge salamyz.