«Qazaqstan arýy-2015» 19-shy respýblıkalyq baıqaýynyń jeńimpazy bolǵan 17 jastaǵy aqtaýlyq sulý Álıa Mergenbaeva baıqaýdan keıin óziniń kóńil-kúıimen bólisti. Bul týraly «Qamshy» portaly QazAqparatqa silteme jasap habarlaıdy.
«Jeńiske jetkenime áli sene almaı turmyn. Maǵan týystarym men dostarymnyń qoldaýy óte kóp járdemdesti», - dedi ol baıqaýdan soń jýrnalıserge bergen suhbatynda.
Álıa - Mańǵystaýdaǵy týrızm kolejiniń stýdenti, mamandyǵy - «qonaq úı qyzmetin uıymdastyrý jáne kórsetý». Bolashaqta ol qazaqsha naqyshtaǵy óz qonaq úıin ashýdy josparlaýda. Sulýlyq baıqaýyna qatysýyn boıjetken óziniń bala kezden bergi armany ekenin, alda áli talaı asýlardy baǵyndyrýdy oıǵa alyp júrgenin aıtty.
«Men kóp jyldardan beri voleıbol oınaımyn. Biraq model bolýdy armandadym. «Qazaqstan arýy» baıqaýyna qatysýym - bala kezgi armanymnyń oryndalǵany boldy. Qazaqstannyń namysyn basqa da baıqaýlarda qorǵaýǵa tyrysamyn», - dedi ol.
Baıqaý barysynda qazylar aldynda Álıa óziniń eshqandaı kitap oqymaıtynyn moıyndap, endi ony qolǵa alýǵa ýáde berdi.
Bes mıllıon teńge kólemindegi júldesimen ne istemek oıy bar týraly saýalǵa «Qazaqstan arýy-2015» bylaı dep jaýap berdi: «Men ony anama beremin, ol árdaıym maǵan kómektesip, qoldaý bildiredi».
Aıta keteıik, fınalǵan shyqqan bes arýdyń ishinen Álıa kórermenderdiń 1312 onlaın- jáne sms-daýysyn jınap, jeńimpaz atandy.
