12 jeltoqsanda Astanadaǵy «Astana-Arena» stadıonynda qazaqstandyq tanymal ánshi Qaırat Nurtastyń «Men ǵashyqpyn» atty konserti ótedi. Osyǵan oraı sol kúni birqatar kóshelerdegi kólik qozǵalysy toqtatylady, - dep habarlaıdy Astana İİD-niń baspasóz qyzmeti.

Atap aıtqanda, 12 jeltoqsan kúni keshki saǵat besten konsert sońyna deıin Qabanbaı batyr men Turan dańǵyldarynyń Kereı-Jánibek handar jáne Hýseın Ben Talal kóshelerimen qıylysqan tustarynda kólik qozǵalysyn jol-patrýldik polısıa qyzmetkerleri shektemek.

«Astana qalasy İİD ákimshilik polısıa basqarmasy avtokólik ıelerinen konsert ótetin orynǵa qoǵamdyq kólikpen jetýge keńes beredi», - delingen baspasóz qyzmeti taratqan habarlamada.

Konsertke oraı, kórermenderdi stadıonǵa toptap jetkizý úshin arnaıy kólikter bólinip otyr. Qaırat Nurtas tyńdarmandary «Qazaqstan» konsert zalynan, «Haziret Sultan», «Nur Astana» meshitterinen, sırk pen Q. Muńaıtpasov atyndaǵy stadıon, «Jastar» teatry janyndaǵy turaqtardan júretin avtobýstar arqyly konsertke jete alady. Qala ákimdigi konsert aıaqtalǵan soń, tyńdarmandardy keri alyp shyǵý máselesin de sheship qoıǵan kórinedi.