"Qunanbaıdy" kórý keshe buıyrdy. Bir dáýrdiń qysqasha tarıhyn beınelegen qazaq fılmin kórýge qazaqtardyń óziniń qulyqsyzy qynjyltady. Bıletteri de tym arzanǵa satylyp jatyr eken, sonda da kórermen joq. Kıno bir sózden unady, bitken iske synshy kóp degendeı áttegen-aı deıtin jerleri de joq emes.
Maǵan eń unaǵan jeri orys tergeýshisiniń "Kenesarymen qandaı baılanysyń bar?" degen suraǵyna jaýaby men Qunanbaı ıtjekkenge aıdalyp bara jatqanda Baraqtyń bosatyp alyp, ekeýiniń kezikken sáti boldy. Kózqarastary bir arnaǵa toǵyspaǵan qazaqtyń eki sultanynyń biriniń basyna is túskende, ekinshisi baryn salyp qutqaryp, bir birin baýyrym dep baýyryna basqanda júregiń eriksiz eljireıdi eken.
"Top topqa bólingen búgingi qazaqtyń bastary qosylmaıtyn betke ustarlary solaı ete ala ma?" degen oımen taksı ustap úıime qaıtyp kele jatqanmyn. Kólik júrgizýshisi "ahı" baýyrym eken. Sózden sóz shyǵyp, odan namaz oqymaıtyn qazaqtan, dinge kelgen qytaıdyń artyq ekenin, orys bolsyn, qytaı bolsyn namaz oqysa óz baýrym dep qazaqtan jaqyn tartatynyn estigenimde aıtýǵa jaýap ta tappaı qaldym...
Umytyp ketippin ǵoı, Dosqan aǵamyz ben Talasbek marqom Qunanbaıdyń aýyzymen qytaıdaǵy qazaqtar turǵan jerdiń qazaqtardyń óz jeri ekenin, qytaıdyń jeri aryda jatqanyn aıtyzypty. Osy jeri de óte oryndy bolǵan. Osyndaı qundy tarıhı shyndyqtardy da kıno arqyly qoǵamǵa, jas urpaqqa jetkizip otyǵanymyz durys bolar edi.
Bárińizdi, kórýge shaqyramyn. Baryńyzdar. Ótinip qana keteıin, ýaqyttaryńyzdy shyǵaryńyzdarshy!
Turdybek Qurmethannyń "Feısbýk" paraqshasynan
«Qamshy» silteıdi
