Qaraǵandyda ótip jatqan eks-premer-mınıstr Serik Ahmetov pen Qaraǵandy oblysy men qalasynyń eks-sheneýnikterine qatysty sot isi aıaqtalýǵa jaqyn. Qazir Qaraǵandy oblystyq sot zalynda eki jaqty pikirtalas ótip jatyr. Jaqyn arada 21 sottalýshyǵa qatysty sot úkimi jarıalantyn bolady, dep habarlaıdy BNews.kz tilshisi.

 Pikirtalastyń alǵashqy kúninde memlekettik aıyptaýshy Dıar Ádilov aldyn-ala kesip aıtqan talaptary ózgergenin málimdep, sot isiniń basty aıyptalýshysy Serik Ahmetovti 5 jyl memlekettik qyzmetten alastatyp, múliktik tárkileý jarıalaýdy jáne 12 jylǵa bas bostandyǵynan aıyrýdy talap etti.

Sot otyrysy barysynda sottalýshy Serik Ahmetovke Qaraǵandy oblysy ákimi laýazymyn paıdalanyp qyzmetkerlerge qysym kórsetti degen aıyp taǵyldy. Jaýapqa tartylǵan aıyptalýshylardyń biri «Sentrstroı-komplekt NS» JSHS ókili Áljan Aqmoldaev eks-premer-mınıstr sý qubyrlaryn tazalaý stansasyn salý kezinde merdigerlik uıymdardy tańdaýda zańsyzdyqqa jol bergenin aıtty.

Aqmoldaevtyń aıtýynsha, Ahmetov 4 mln dollar kóleminde para alǵan.

Sondaı-aq, sot otyrystarynyń birinde jylyjaı qurylysy jaıly derekter keltirildi. «Topar jylyjaılary» JSHS kelisiminiń baǵasy zańsyz jolmen ulǵaıtylǵan degen aqparat tústi. Odan memleketke 1,1 mlrd teńge zalal kelgen.

Osy sıaqty birneshe aıyp taǵylǵan Serik Ahmetov isine qatysty sot úkimi jaqyn arada jarıalanatyn bolady.

Kilt sózder:

 «Qamshy» silteıdi