Jambyl oblystyq Memlekettik qyzmet jáne jemqorlyqqa qarsy is-qımyl departamenti qyzmetkerleri jergilikti ákimshilik polısıa qyzmetkerlerimen jáne jergilikti jastar qaýymdastyǵymen birge qyzmettik kólikterdi paıdalaný tártibin buzǵan memlekettik qyzmetshilerdi anyqtaý maqsatynda eki kúndik reıd júrgizdi, - dep habarlaıdy «Qamshy» portaly.

Reıd nátıjelerin departament bastyǵynyń orynbasary – oblystyq tártiptik keńes tóraǵay Ǵalym Tursynbaev jarıalady.Onyń aıtýynsha, birneshe memlekettik mekemelerdiń kólikterin reıd júrgizýshiler kóńil kóterý oryndarynan baıqaǵan. Birqataryna ákimshilik hattama toltyrylǵan. 

«Shara barysynda QR Ákimshilik quqyqbuzýshylyq týraly kodeksiniń 612 –baby 1-bólimin buzý boıynsha 7 ákimshilik hattama toltyryldy. Memlekettik qyzmetshiler qyzmettik kólikterdi jumystan tys ýaqytta jol júrý qujattarynsyz paıdalanǵan. Máselen, 7 qarasha kúni túngi saǵat 02.50-de » Moıynqum aýdany ákimdiginiń «SSan Yong Kyron» markaly qyzmettik kóligin Taraz qalasynda jol polısıasy toqtatty. Qujat tekserý kezinde júrgizýshide jol qujattary bolmady. Sonymen qatar, oblystyq tótenshe jaǵdaılar departamentine tıesili «VAZ-21310» kóligine qatysty da ákimshilik hattama toltyrylǵan», - deıdi tártiptik keńes tóraǵasy.