Ál-Farabı atyndaǵy Qazaq Ulttyq ýnıversıtetiniń birneshe jyldan beri qolǵa alynǵan aýqymdy is-sharalardyń biri «Aınalańdy nurlandyr» aksıasynyń sheńberi ýaqyt ótken saıyn keńinen qulash jaıýda.
«Aınalańdy nurlandyr» – aınalańa qamqorlyq tanytyp, izgilik dánin sebý, jarqyn da nurly ómirge jol bastaý degen uǵym. Qoǵamymyzdyń ár múshesi jeke tulǵa deıtin bolsaq, ár adam óziniń ál- Farabı babamyz jazyp ketken « Qaıyrymdy qala», ıaǵnı qaıyrymdy hám órkenıetti qoǵamǵa qol jetkizý úshin, onyńárbir tolyqqandy múshesi óziniń ómirde júktelgen mindetterin úlken jaýapkershilikpen atqarý kerek. Bul týrasynda ýnıversıtetimizdiń rektory Ǵ.Mutanov: «Kez-kelgen jan ómirde qandaı iz qaldyramyn degen oıdy este berik ustaýy kerek. Kórealmaýshylyq, qyzǵanshaqtyq bar jerde esh damý bolmaıdy. Aıaqtan shalý, aryzqoılyq jaqsy qasıet emes. Nebir izgi nıetterdi jastar boıyn qalyptastyrý arqyly órkenıetke qol jetkizemiz.Órkenıet arqyly, alǵan ilim-bilimderdi jaqsy iske jumsaý arqyly, tárbıege den qoıý arqyly eldi, ultty damytamyz. Mine, « Aınalańdy nurlandyr jobasynyń dittegen maqsaty osy»,- dep anyqtama beredi.Osy qabyldanǵan baǵdarlamanyń arqasynda shyǵystaný fakúlteti qytaıtaný kafedrasynyń ujymy men stýdentteri, magıstranttary jyl saıyn birlesip, kóptegen tárbıelik máni zor, taǵlymy tereńis-sharalar ótkizýde. Shyǵystaný fakúlteti qytaıtaný kafedrasynyń ujymy da osy ótip jatqan aksıadan shet qalmaı, 2015 jyldyń jeltoqsan aıynyń onynda qaırymdylyq sharasyn uıymdastyrdy.
Qytaıtaný kafedrasynyń «Aýdarma isi», «Shetel fılologıasy», «Shyǵystaný» mamandyǵy bólimderiniń 1,2 kýrs magıstranttary men oqytýshylaryAlmaty qalasyndaǵyMamyr-7 yqshamaýdanynda ornalasqan «Ardagerler úıindegi» qarttardyń kóńilderin bir demep qaıtty. Magıstranttar ondaǵy qarttardyń tynys-tirshiligimen tanysyp, áńgime-suqbat qurdy. Sońynan magıstranttar kishigirim konsert uıymdastyrdy. Ulttyq kúılerdi oryndap, quıqyljyta án salǵan Qaýymbek Qaısar, Dana Baltabekova, Esbolat Tańnur, Elemes Zúbırash syndy magıstranttarymyzdyń ónerine tánti bolǵan ardagerler úlken rızashylyqtaryn bildirdi. Kezdesý sońynda kishigirim syılyqtarymyzdy taratyp, birlesip sýretke túsip, jyly qoshtastyq.
Kenjebaeva Aıda
Ál-Farabı atyndaǵy shyǵystaný fakúlteti qytaıtaný kafedrasynyń dosenti
