Qytaı halyq banki dúısenbide AQSH dollaryna ıýán baǵamyn (dollaryna 6, 4495 ıýánǵa deıin) tómendetti, delingen Qytaı valútalyq saýda júıesi (CFETS) saıtyndaǵy habarlamada.
Osylaısha, qytaı valútasy 137 tarmaqqa nemese 2 paıyzǵa - 2011 jylǵy shildedegi deńgeıge deıin arzandady. Iýánnyń arzandaýy 2014 jylǵy jazda bastaldy, eń kúrt tómendeý 2015 jylǵy tamyzda oryn aldy - ıýán úsh kún ishinde 2, 813 tarmaqqa nemese 4,6 paıyzǵa quldyrady, dep atap ótedi RIA Novostı.
Dollarǵa qatynasy boıynsha ıýánnyń ortalyq parıtettik baǵamy ár jumys kúni bankaralyq naryqtyń ashylýyna deıin marketmeıkerler usynǵan ortasha ólshemdi baǵaǵa negizdeledi.
Qytaı valútasy 2005 jyly jazda nyǵaıa bastaǵanǵa deıin dollaryna 8,3 ıýánǵa jýyq turaqty belgide uzaq turdy. 2008 jylǵy kúzden bastap ıýán jylǵa jýyq 6,8 deńgeıinde ustaldy - 2009 jylǵy qyrkúıekte qaıta óse bastady.
HVQ atqarýshy keńesi 30 qarashada ıýándi 2016 jylǵy 1 qazannan bastap dollar, eýro, fýnt strelıng jáne ıen kiretin SDR qorjynyna engizý sheshimin qabyldady. Qor sheshimi halyqaralyq sarapshylar men taldaýshylardyń kútkenimen sáıkes keldi, olar jahandyq saýdada Qytaıdyń rólin taný qajettigin aıtqan bolatyn.
