Jańa zańnamaǵa sáıkes, elimizde azamattar uıaly baılanys operatorlarynyń qyzmetine erkin aýysa alatyn boldy. Osy ózgeristerge oraı QR ınvestısıalyq damý jónindegi mınıstrliktiń baılanys, aqparattandyrý jáne aqparat komıteti atqarylǵan jumystardyń qorytyndysyn shyǵardy, - dep habarlaıdy «Qamshy» portaly.

Ózgeristerge saı, 1 qańtardan bastap tutynýshylar telefon nómirlerin saqtaı otyryp, basqa baılanys operatorynyń qyzmetine aýysa alady.

Komıtet taratqan habarlamaǵa sáıkes, 8 qańtar kúni saǵat 12.30-ǵa deıin «Altel» baılanys operatoryna 982 abonent, «Tele 2» operatoryna 558, «Bılaınǵa» 407, «Kcell» operatoryna 343 abonent aýysqan.

Osy jyldyń alǵashqy segiz kúninde «Kcell» operatorynyń qyzmetinen 1218, «Bılaınnan» 565, «Tele2-den» - 381, «Altelden» 126 abonent bas tartqan.