«Jolaýshylar tasymaly» AQ menedjerleri jolaýshylar poıyzdarynda jolserik retinde qyzmet atqaratyn bolady, - dep habarlaıdy «Qamshy» portaly kompanıanyń baspasóz qyzmetine silteme jasap.
Kompanıa basshylary jolaýshy kólikterinde kórsetiletin qyzmet sapasyn arttyrý maqsatynda osyndaı bastama kóterip otyr. Qańtar aıynda kompanıanyń basqarma basshysy Nurdáýlet Qılybaev bastaǵan menedjerleri poıyzdarda jolserik rólinde qyzmet kórsetpek.
«Jolaýshylar tasymaldanatyn 17 baǵyt boıynsha kompanıanyń 30 menedjeri jolserik retinde qyzmet kórsetedi. Olar ár reıs aldynda talapqa saı nusqaýlyq ótedi, vagondardyń sýmen, otynmen, tósek orynmen qamtamasyz etilýin, tehnıkalyq jaǵdaıyn baqylaıdy» delingen kompanıa taratqan habarlamada.
