11 qańtar jyldyń eń «ádepti» kúni bolyp sanalady – bul kúni Búkilálemdik «Rahmet» kúni toılanady. BUU men IýNESKO-nyń bastamasymen paıda bolǵan bul merekeniń ózindik maǵynasy mol, óıtkeni bul merekeni azamattyǵyna, ultyna, dinı senimderine qaramastan búkil álem bolyp toılaıdy.

Árıne, jyldyń ár kúni sypaıy bolýǵa tyrysýymyz kerek. Alaıda, kóp jaǵdaıda alǵys aıtýdy umytyp, nemese oǵan erekshe kóńil bólmeımiz. Alǵys sózderinde bir sıqyrlyq bar – olar arqyly bizder bir-birimizge rızashylyǵymyzdy kórsetemiz, kóńilimizdi bildiremiz, jaqsy emosıalar syılaımyz.

Kóptegen týrısik jolsiltemelerde rahmet sózin erekshe kórsetip, tipti, ony sol tilge tán aksentpen aıtylýyn erekshe atap ótedi. Ǵalymdardyń aıtýy boıynsha, rahmet sózin aıtý – adamdar arasynda jaqsy qatynas ornatady.

Orystyń «spasıbo» sózi 16 ǵasyrda «spası Bog» degennen shyqqan eken. Aǵylshyndardyń «Thank you» tirkesi de jaı alǵys aıtý sózderi ǵana emes eken. Al arabtyń «rahmet» sózi qazaqtyń «shúkir» degen sózimen mándes kórinedi. Osyǵan qarap, qaı tilde bolmasyn, rahmet sózi ár halyqtyń til mádenıetinde úlken oryn alatyny kórinedi.

Psıhologtardyń aıtýy boıynsha, alǵys sózderi – adamdy tynyshtandyrý, júregin jylytýdyń birden-bir amaly. Bastysy, alǵysyńyz júrekten shyǵýy shart.

Alǵys aıtýdyń da jón-jorasy bar kórinedi. «Rahmet» degen sózdi erekshe tolqynyspen, shynaıy túrde ıntonasıalyq ekpin berip aıtqan jáne sózińdi arnap otyrǵan adamnyń kózine tikeleı qarap aıtqan durys, deıdi ádep ǵylymynyń mamandary.