Qaraǵandy oblysy Shet aýdanynda Qýanysh atty azamat 4 áıel alyp, 16 bala tárbıelep otyr. Bul týraly bnews.kz saıty habarlady.
Qýanysh Hantýrın 4 áıeldi bir shańyraq astyna syıdyryp, aýyl-aımaqqa syıly bolyp otyrǵan azamat. Ol eń alǵashǵy jubaıymen 1986 jyly otbasyn qurypty.
Jas jubaılar Shet aýdanynyń ortalyǵyna qonys teýip, qazir turyp jatqan úıleriniń qabyrǵasyn birge qalady. Alty balany dúnıege ákelgen Baqytgúl ata-enesine syıly kelin boldy.
Baqytgúldiń baıypty minezi men otaǵasyna degen qurmetinen bolar, Qýanysh Hamıtuly onyń ústinen úsh áıel alǵanda da, teris minez tanytpaı, otbasyn aırandaı uıytyp otyr.
Men ekinshi áıel alǵanda kóp adam túsingen joq. Tentek adamdy jar etip durys jolǵa salsam, ne bolmasa múgedek adamǵa úılenip qamqor bolsam dep armandadym.
Qýanysh Hamıtuly kóp áıel alý keń bolýǵa, meıirimdi bolýǵa jeteleıdi deıdi.
«Men ekinshi áıel alǵanda kóp adam túsingen joq. Tentek adamdy jar etip durys jolǵa salsam, ne bolmasa múgedek adamǵa úılenip qamqor bolsam dep armandadym. Aýylda minezi shálkesteý qyz boldy, soǵan sóz saldym. Alaıda ol bas tartty. Keıinnen densaýlyǵy joq jerlesime úılenýge nıet qylǵanda da áke-sheshesi qarsy boldy. Osylaı júrgende peıilimniń túzýliginen bolar, qazaqy, ımanjúzdi qyzdy ekinshi áıel etip aldym», — deıdi otaǵasy.
2001 jyly qazirgi tórtinshi áıeli Madınanyń (ol kezde Madınanyń jubaıy bar) aralasýymen Aıjanǵa úılenedi. Ózinen 17 jas kishi qyzben bas qosqan Qýanysh ata-anasy men týǵan-týystyń qarsylyǵyna tap bolady.
«Osy kezde men ata-anam men tanystarymnyń rızalyǵyna qaıta bólený úshin sabyrly minez ben tynymsyz eńbekke ǵana súıene alatyndyǵymdy túsindim. Ekinshi enem ǵana keýdemnen ıtergen joq. Baldyzdarymdy ózim uzattym, enemdi qasyma kóshirip aldym. Keıinnen seksennen asqan sheshem kóbeıe ber balam, seniń arqańda tórt kelinge syılymyn, quda-jekjatqa qurmettimin dep batasyn berdi», — deıdi ol.
Qazir Shet aýdanynyń ortalyǵyndaǵy úıde Qýanysh birinshi, ekinshi áıelimen birge turady. Báıbishe ekinshi áıeldiń balalaryn oqytady. Jas áıel úı sharýasymen aınalysady.
2006 jyly otaǵasy ózinen alty jas kishi úshinshi áıelge úılenedi. Aıgúl jubaıymen dám-tuzy jaraspaı 4 balamen ajyrasyp ketken eken. Shıetteı balamen qalǵan áıelge pana bolý úshin Qýanysh Aıgúlmen nekelesedi.
Men úılengen soń burynǵy joldasy eki ulyn alyp ketti. Mende qalǵan eki qyzy meni áke deıdi. Men olardy ákelerinen bólmeımin. Syılańdar dep ósirdim. Áıelderime de balaǵa daýys kótermeńder deımin. Sebebi ata-ana uryssa, balada da qarsylyq paıda bolady. Anasyn syılamaǵan bala ákeni de syılamaıdy», — deıdi Qýanysh Hamıtuly.
Otaýyn qystaqqa tikken Aıjannan otaǵasy bir bala súıip otyr. 2014 jyldyń jazynda Qýanysh tórtinshi ret úılenip, 51 jastaǵy Madınany jar etti. Eki balamen jesir qalǵan Madınanyń jubaıy Qýanyshtyń dosy ári shákirti bolatyn.
Men olardy ákelerinen bólmeımin. Syılańdar dep ósirdim. Áıelderime de balaǵa daýys kótermeńder deımin.
«Jubaıym Qýanysh nusqaǵan jolmen júrýdi aıtyp ketken bolatyn. Mezgilsiz kelgen qaıǵyny jeńip, Qýanyshtyń etegin ustadym», — deıdi Madına. Tórtinshi áıelin Qýanysh ekinshi qystaqqa ornalastyrǵan.
52 jastaǵy Qýanyshtyń kindiginen 12 bala órbigen, 4 balany baýyryna basty. Jesirge pana, jetimge saıa bolyp otyrǵan Qýanyshtyń 51, 50, 46, 35 jastaǵy tórt áıeli bir shańyraqtyń tútinin túzý tútetip otyr. Kóp áıel alǵan Qýanysh kúni-túni bel sheshpeı eńbektenip, mal ósirip, bala-shaǵasyn taryqtyrmaı otyr.
«Maǵan eliktep kóp áıel alǵan zamandastarymnyń bári birdeı baqytty bolǵan joq, birtalaıy ajyrasyp ketti», — deıdi Qýanysh Hamıtuly.
«Sebebi olar áıeldiń syrtqy sýlýlyǵy men baılyǵyna qyzyǵyp úılendi. İshki álemine úńilmedi. Ata-babalarymyz jesirin qańǵyrtpaý úshin, jetimin jylatpaý úshin kóp áıel alǵan», — deıdi ol.
