«Qazaqstan Turǵyn úı-qurylys jınaq banki» AQ 2022 jylǵa deıin bank salymshylaryn qoljetimdi baspanamen qamtamasyz etý boıynsha «Óz úıim» daǵdarysqa qarsy baǵdarlamasyn ázirledi, - dep habarlaıdy «Qamshy» portaly.
Bank baspasóz qyzmetiniń habarlaýynsha, baǵdarlama úsh baǵyttan turady: jergilikti atqarýshy organdarmen (JAO) ózara is-qımyl, memlekettik-jeke áriptestik jáne ekinshi deńgeıdegi banktermen yntymaqtastyq.
Qazirgi sátte JAO-men, ekinshi deńgeıli banktermen, qurylysshylarmen kelissózder júrgizilýde.
«Óz úıim» baǵdarlamasynyń negizgi artyqshylyǵy - Turǵyn úı-qurylys jınaq banki salymshylary úshin tolyq basymdyq, sharshy metrine tómen baǵa, valútalyq baǵamǵa táýeldi bolmaý, úı satyp alýda erekshe jaǵdaılardyń bolmaýy.
Baǵdarlamaǵa kez kelgen bank klıenti qatysa alady. Alaıda birinshi kezekte úı satyp alýǵa quqyqty menshiginde jyljymaıtyn múlki joq salymshylar ala alady.
Munyń 2020 jylǵa deıingi óńirlerdi damytý memlekettik baǵdarlamasynan aıyrmashylyǵy - sońǵy eki jylda Almaty jáne Astana qalalarynda tirkelý talaby bolmaıdy.
Búginde baǵdarlama aıasynda ortasha baǵa sharshy metrine 180 myń teńgeni quraıdy. Jyldyq prosenttik mólsherleme - 5-ten 10 paıyzǵa deıin. 2016 jyly baǵdarlamanyń barlyq baǵyty boıynsha 350 myń sharshy metr qurylys kólemi pysyqtalady. «Óz úıim» baǵdarlamasy aıasynda 1,5 mln sharshy metr turǵyn úı salý josparlanýda.
Banktiń daǵdarysqa qarsy baǵdarlamasy 2020 jylǵa deıingi Óńirlerdi damytýdyń memlekettik baǵdarlamasyna qosymsha bolady. Bank salymshylary qoljetimdi baǵamen úı satyp alýdyń balamaly múmkindigin alady. «Óz úıim» baǵdarlamasynyń biregeıligi salymshylardyń ashyq daýys berý arqyly turǵyn úı qurylysshylary men jobany tańdaýyn qamtıdy. Baǵdarlamany qarjylandyrý banktiń jeke qarajaty esebinen júzege asyrylady.
«Jas otbasylarǵa arnalǵan turǵyn úı» jáne «Halyqtyń barlyq sanatyna arnalǵan turǵyn úı» baǵyttary boıynsha 2020 jylǵa deıin Óńirlerdi damytýdyń memlekettik baǵdarlamasy aıasynda bıyl 459 myń sharshy metrge kelisim iske asyrylady. Memlekettik baǵdarlama aıasynda tirkeledi. Óńirlerde belgilengen baǵa sharshy metri 90-110 myń teńge, Astana men Almaty qalalarynda sharshy metrine 143 myń teńge.
