Reseılik kásipqoı boksshy Matveı Korobov (25-1, 14 KO) qazaqstandyq Gennadıı Golovkınniń (34-0, 31 KO) shaqyrýyn qabyl aldy, dep habarlaıdy BNews.kz.

Reseıliktiń menedjeri Kemeron Dankınniń aıtýynsha, Golovkınniń komandasy oǵan telefon soǵyp, jekpe-jek ótkizýge usynys jasaǵan. Boksshy bul usynysty birden-aq qabyldaǵan.

«Golovkınniń komandasynan usynys túsken ýaqytta men birden kelisimimdi berdim. Men mundaı múmkindikti kóp kúttim, biz jekpe-jek ótetin kúnge deıin daıyn bolamyz. Qazir kezdesýdi ótkizetin kúndi kelisip jatyrmyz», – deıdi M.Korobov.

Buǵan deıin belgilengenindeı, Golovkın 23 sáýirde bagamdyq Týreano Djonsonǵa qarsy IBF chempıondyq belbeýin qorǵaýy tıis bolatyn. Alaıda, Djonson jaraqat alyp, kezdesýden bas tartty.

Aıta ketý kerek, reseılik boksshy Matveı Korobov 16 qańtarda ótken sońǵy jekpe-jeginde meksıkalyq Hosýe Ovandony utty. Onyń aldynda ırlandıalyq Endı Lıden utylyp, uzaq ýaqyt rıngke shyqpaı qoıǵan bolatyn. Al Golovkın sońǵy kezdesýin kanadalyq Davıd Lemege qarsy ótkizip, qarsylasyn 8-raýndta nokaýtpen jeńdi.