«مۇزارت» توبىنىڭ بۇرىنعى ءانشىسى، بۇگىندە ءوز الدىنا جەكە شىعارماشىلىقپەن اينالىسىپ جۇرگەن ماقسات بازاربايەۆ «توي جىرى» باعدارلاماسىندا توعىز جىل پەرزەنت سۇيمەي قينالعان كەزەڭى جايىندا بايانداپ بەردى، - دەپ حابارلايدى Nur.kz.

ەل الدىندا ەندى تانىلا باستاعان جاس جىگىت اسەل ەسىمدى ارۋعا عاشىق بولىپ، يناباتتى قىزعا ۇيلەنۋدى بىردەن ماقسات ەتكەن. سۇيىكتىسىن الىپ قاشقان ءانشى جىگىت ءبىر جىلدان سوڭ عانا كەلىنشەگىنە اق كويلەك كيگىزىپ، توي جاساعان.

قوس عاشىقتىڭ ۇيلەنۋىنە كەدەرگىلەر از بولمادى. تالاي توسقاۋىلدان ءوتىپ ۇيلەنگەن سوڭ، تاعدىردىڭ سىناقتارى كۇشەيە تۇسكەن.

«ۇيلەنگەن سوڭ توعىز جىلداي پەرزەنت كورمەدىك. اللانىڭ سىناعى بولدى. شىداممەن ءتوزىپ بەردىك»، — دەيدى ماقسات بازاربايەۆ سول ءبىر قيىن ءساتتى ەسكە الىپ.

بۇگىندە ءۇش ۇلدى تاربيەلەپ وتىرعان جۇپتى اجىراتۋگعا نيەتتى ادامدار دا تابىلعان.

«ول كەزدە دە ارامىزدا ءتۇسىپ جاتقان ادامدار بولدى. ويباي، سەن قىز-قىرقىننىڭ اراسىندا ءجۇرسىڭ عوي دەدى. ءبىراق ونىڭ ءبارىن قۇلاققا ىلمەي، ءوزىمىز تىنىش ءومىر سۇرە بەردىك»، — دەيدى وتاعاسى.

ەشقانداي سىناققا سىنباي، وتباسى ءۇشىن جانىن اياماعان جارىنا اسەلدىڭ ريزاشىلىعى شەكسىز.

«ءبىزدىڭ اكە-شەشەمىز دە ارالاسقان جوق. «ونداي اجىراسۋ دەگەن نارسەنى ايتۋشى بولما» دەپ اكەم اقىلىن ايتتى. ونداي وي مەنىڭ تۇسىمە دە كىرىپ شىققان جوق. ويتكەنى جاقسى كورىپ، ءبىر-بىرىمىزدى ءتۇسىنىپ بارىپ ۇيلەنگەننەن كەيىن جارتى جولدا ءبىر-بىرىمىزدى قيىپ قالاي تاستاپ كەتەمىز، ولاي بولمايدى عوي»، — دەدى ءانشى اڭگىمەسىندە.

توعىز جىلدان كەيىن وتباسىنىڭ كوپ جىلدار بويى اڭساعان ۇلدارى ومىرگە كەلدى. اتاسى اڭسار دەپ ات قويعان ۇلدىڭ ارتىنان ءىزباسار ىنىلەرى ەردى.

بۇگىندە ماقسات بازاربايەۆتىڭ باستى ماقساتى — ۇلدارىنا ۇلگى بولۋ. جۇلدىزدى وتباسى بۇگىندە اڭسار، ايبار، ايات ەسىمدى ءۇش بىردەي اتقامىنەردىڭ اتا-اناسى. ال ايەلىنىڭ اياعى اۋىر ەكەنىن مەڭزەگەن ءارتىس تاعى ءبىر قۋانىشتىڭ اۋىلى الىس ەمەس ايتتى.