ءماجىلىس دەپۋتاتىنىڭ ايتۋىنشا، ەكىنشى دەڭگەيلى بانكتەر نەسيە تولەۋشىلەرگە قاتىستى قيتۇرقىلىقتارعا بارىپ وتىر، - دەپ حابارلايدى Qamshy.kz.

ماجىلىستەگى «اق جول» فراكسياسىنىڭ مۇشەسى مەرۋەرت قازبەكوۆا  وسىمەن بىرنەشە رەت ۇلتتىق بانكتىڭ ءتوراعاسىنا ساۋال  جولدادى. ساۋالدىڭ ءمانىسى مىناعان سايادى: ۇكىمەت دوللاردىڭ قىمباتتاۋىنا بايلانىستى ونىمەن العان كرەديتتەرى شارىقتاپ كەتپەۋ ءۇشىن نەسيە الۋشىلاردىڭ قارىزىن «قايتا ەسەپتەۋ» (رەفينانسيروۆانيە) ماقساتىمەن 130 ملرد. تەڭگە قاراجات بولگەن ەدى. وسىنى ەكىنشى دەڭگەيدەگى بانكتەر ادىلەتسىز پايدالانىپ جاتقان كورىنەدى. اتاپ ايتقاندا 3 ايدان ارتىق قارىزى بارلاردىڭ تولەمدەرىنە ولار 1 دوللاردىڭ 180 تەڭگەلىك بۇرىنعى كۋرسىن، ال قارىزىن ۇزبەي تولەپ كەلە جاتقاندارعا كەلگەندە 1 دوللاردىڭ 350 تەڭگەلىك بۇگىنگى كۋرسىن قولداناتىن كورىنەدى. دەمەك، تەڭگەگە اينالدىرعاندا 1000 دوللارلىق قارىزى بولىپ، ونىڭ قارىزدارىن  3 ايدان ارتىق تولەمەگەندەردىڭ موينىنا 180 مىڭ تەڭگە ىلىنسە، ۇزبەي تولەپ كەلە جاتقانداردىڭ 1000 دوللارلىق قارىزى 350 مىڭ تەڭگەگە كوبەيىپتى. ال ۇكىمەت بولگەن جوعارىدا ايتىلعان قاراجات وسى كۋرستارمەن انىقتالعان قارىز سومالارىن ازايتۋعا جۇمسالادى.

«ءماسساعان بەزگەلدەك» دەگەن وسىندايدا ايتىلاتىن شىعار. ارينە، بۇل بانكتەردىڭ قۇيتىرقى ارەكەتى. ويتكەنى، بۇرىننان قارىز بولىپ كەلە جاتقاندار تولەي قويماس دەپ ولارعا 180 تەڭگەلىك كۋرستى قولدانعان، ال ۇزبەي تولەيتىندەر ەشقايدا قاشپايدى، مۇنى دا تولەسىن دەپ 350 تەڭگەلىك كۋرستى قولدانادى ەكەن. ءسويتىپ، كونبىستەرگە كەلگەندە «بۇعا بەرگەنگە سۇعا بەرگەن» بولىپتى. دەپۋتات وسىنى ادىلەتسىز كورىپ، بارلىق قارىزگەرلەرگە دە 180 تەڭگەلىك كۋرستى قولدانۋ كەرەك دەيدى. ۇلتتىق بانك سونى ەسكەرسە يگى...

ق. اتامبايەۆ

ەكسپەرت