اقش پرەزيدەنتتىگىنە رەسپۋبليكالىق  پارتيا اتىنان ۇمىتكەر  دونالد ترامپ جاقتاستارىنا دەموكرات –قارسىلاسى  حيللاري كلينتوننىڭ ءوزى سياقتى ميتينگ وتكىزۋىنە شىدامى  جەتپەيدى،- دەدى دەپ حابارلايدى Qamshy.kz ريا نوۆوستيگە سىلتەمە جاساپ.

 سەيسەنبى كۇنى، وگايودا  امەريكالىق تەلەارنالار الدىندا ءسوز سويلەگەن ترامپ جاقتاستارى جينالعان مەكەمەنىڭ وتە ىستىق ەكەنىن اتاپ ءوتىپ، بىلاي دەدى: « حيللاري وسىندا ءبىر ساعات تۇرا الار ما ەدى، قالاي ويلايسىزدار؟  جوق،  تۇرا المايتىن ەدى دەپ  ويلايمىن» — دەپ مالىمدەدى ترامپ.

 ونىڭ سوزىنشە، ءوزى ميتينگكە شىعىپ جۇرگەن ۋاقتتا، كلينتون توسەك تارتىپ، اۋرۋىن ەمدەپ جاتىر.  ونىڭ بۇل ءسوزىن قولداماعاندىقتارىن ءبىلدىرىپ، گۋىلدەسكەن جۇرتقا ۇمىتكەر قارسىلاسىنىڭ تەز جازىلىپ،  سايلاۋ الدى شارالارعا اتسالىسقانىن قالايتىنىن ايتتى.

 جەكسەنبى كۇنى نىيۋ-يوركتا وتكەن قوعام الدىنداعى جيىندا كلينتوننىڭ جاعدايى ناشارلاپ كەتكەن بولاتىن.  سايلاۋ الدى شتابى قانشا جوققا شىعارسا دا، ونىڭ دەنساۋلىعى جايلى قاۋەسەت   بارشا الەمگە تەز تاراپ كەتكەن.  كلينتوننىڭ ءوزى  دارىگەرلەردىڭ وعان  پنيەۆمونيا (وكپە قابىنۋى) دياگنوزىن قويعانىن جانە انتيبيوتيكتەر جازىپ بەرگەنىن  مويىندادى. دەموكرات پارتياسىنىڭ ۇمىتكەرى دۇيسەنبى كۇنگى بارلىق ءىس-شارالارىن سەيسەنبىگە شەگەردى، بەيسەنبى كۇنى  جيىندارىن جاڭارتۋعا ءسوز بەردى.  بەيسەنبى كۇنى كلينتون سولتۇستىك كاروليندا، سوسىن ۆاشينگتوندا سايلاۋ الدى ميتينگ وتكىزۋى كەرەك.