جىلدا وتىز ميلليون ادام كەلبەتىن وزگەرتەدى. قازاقستان دا الەمدىك ستاندارتتان قالىسپاي كەلەدى. وعان، ەلدەگى پلاستيكالىق حيرۋرگتارعا دەگەن سۇرانىستىڭ جىل سايىن 20-25% ءوسىپ وتىراتىنى دالەل. ساراپشىلاردىڭ  مالىمەتىنە سۇيەنسەك، قازاقستاندىقتار جىلدا سىرت كەلبەتىنە ميلليون دوللار جۇمسايدى.

ەستەتيكالىق مەديسينا ءبىزدىڭ زامانىمىزعا دەيىن مىڭ جىل بۇرىن پايدا بولعان. وعان مىسىردا تابىلعان پەرعاۋىننىڭ دەنەسىندەگى پلاستيكالىق وتانىڭ ىزدەرى دالەل. ب.ز.د مىڭ جىل بۇرىن ءومىر سۇرگەن پەرعاۋىننىڭ سول اياعىنداعى ساۋساقتارى تەرى مەن اعاشتان جاسالىنعان ەكەن.  ال ءۇندىستاندا 800 جىلدارى مۇرىنعا وتا جاساعان. مۇنداي مىسالدار جەتىپ ارتىلادى. بۇل ادامداردىڭ ادەمىلىككە دەگەن قۇشتارلىعىنىڭ كورسەتكىشى. ءار عاسىردىڭ ءوز سۇلۋلىق ستاندارتتارى بولعان. الايدا، تۋارەگ ۇرپاعىنىڭ وكىلدەرى ءار ۋاقىتتا نازىك جاندىلاردىڭ تولىق بولعانىن دۇرىس سانايدى. قىز وتىرعاندا، ىشىندەگى قاتپار سانى ون ەكىگە جەتپەسە، ول كورىكتى ادامداردىڭ قاتارىنا جاتپاعان. قازاقستاندىقتار تۋارەگ ۇرپاعى ەمەس، سوندىقتان بىزدە قىپشا بەلدى قىزدار ساندە. دەگەنمەن، بارلىعى بىردەي بوتا كوز، الما مويىن، قىر مۇرىن، قيعاش قاس، شيە ەرىندى بولا بەرمەيدى. ءبىراق، بۇل ولقىلىقتىڭ  ورنىن قوماقتى قارجىمەن تولتىرۋعا بولادى. قۇداي بەرگەن كەلبەتىڭىزگە كوڭىلىڭىز تولماسا، ورتاشا ەسەپپەن 9000 دوللارعا جۋىق قاراجاتىڭىزدى دايىنداي بەرىڭىز.

كەلبەتىڭىزدى وزگەرتۋ ءۇشىن ورتاشا ەسەپپەن قانشا قاراجات قاجەت ەكەنىن ءبىلۋ ماقساتىندا الماتىداعى ءبىرقاتار بەلدى ەستەتيكالىق مەديسينا ورتالىقتارىنا حابارلاسىپ، باعاسىن بىلگەن بولاتىنبىز. ناتيجەسى مىناداي:

شاشتى كەراتيندى تۇزەۋلەۋ – 30 000 تگ.

قاس تاتۋاجى – 30 000 تگ.

«كەڭ كوزقاراس» (قاباقتى ەۋروپيزاسيالاۋ) – 100 000 تگ.

كىرپىك ءوسىرۋ – 10 000 تگ.

كىرپىك لاميناسياسى – 30 000 تگ.

قۇلاقتىڭ ءپىشىنىن وزگەرتۋ – 100 000 تگ.

مۇرىننىڭ ءپىشىنىن وزگەرتۋ – 400 000 تگ.

ەرىندى ۇلكەيتۋ – 400 000 تگ.

بەتتى تارتۋ – 1 ميلليون 700 000 تگ.

جالپى سوما: 2 ميلليون 800 000 تگ.

اۆتورى: اسەم المۇحانبەت