ۇكىمەت ساعاتىندا وتكەن جيىندا اقپارات جانە كوممۋنيكاسيالار ءمينيسترى داۋرەن ابايەۆ كەلەسى جىلى ون شاقتى تەلەسەريال جارىققا شىعاتىنىن ايتتى، - دەپ جازادى Baq.kz سايتى.

مينيستر ءتۇسىرىلىپ جاتقان وتاندىق تۋىندىلار وتە ساپالى بولادى دەپ سەندىردى. سونداي-اق، ءۇندى كارىس، تۇرىك سەريالدارىنان دا باس تارتا المايتىندىعىن تىلگە تيەك ەتتى. سەبەبى، ولار ۇلكەن سۇرانىسقا يە ەكەن.

«اسىرەسە، اۋىلدى جەردە كورەتىندەر كوپ. بۇل باعىتتا جۇمىس ىستەپ جاتىرمىز. بىرتە-بىرتە ازايادى دەپ ويلايمىن. مەملەكەتتىك ارنالار بۇل سەريالداردان باس تارتاتىن شىعار. ال ءدال ءقازىر بۇل سەريالداردان تولىق باس تارتاتىن بولساق، قازاق تەلەارناسىنىڭ اۋديتورياسى شەتەلدىك ارنالارعا كەتىپ قالا ما دەگەن قورقىنىش بار. سوندىقتان بالانستى ساقتاۋىمىز قاجەت دەپ ويلايمىن»، - دەيدى داۋرەن ابايەۆ.