قاراپايىم ماسكەۋلىك وقۋشى ليەۆا فەدوتوۆانىڭ ەرەكشە قابىلەتىنىڭ جۇمباعىن شەشۋدە جۋرناليستەر، تاريحشىلار مەن زەرتتەۋشىلەر باس قاتىرىپ كەلەدى. ول ءوزىنىڭ كۇندەلىگىندە ۇلى وتان سوعىسىنىڭ كۇنىن ايتىپ قانا قويماي، سوعىستىڭ جۇرگىزىلۋ بارىسىن سيپاتتاپ بەرگەن.
جەتكىنشەكتىڭ اقپاراتتى قايدان العانى ءالى دە بەلگىسىز... ليەۆا فەدوتوۆا 1923 جىلى 10 قاڭتاردا دۇنيەگە كەلدى. اكەسى پارتيا جۇمىسشىسى فەدور كالليستراتيۆيچ فەدوتوۆا. اناسى اگريپپينا نيكولايەۆنا ماسكەۋلىك تەاترلاردىڭ بىرىندە كوستيۋمەر بولىپ جۇمىس جاسايدى.
ليەۆا اۋرۋشاڭ بولىپ ءوستى. وتە كوپ كىتاپ وقيتىن. ءوز ورتاسىندا كوشباسشى بولاتىن. ءبىراق الدەبىر ترانسقا كىرىپ، «باسقا الەمگە» ەنىپ كەتەتىن. جانە ونىڭ ايتقاندارى شىندىقتان الشاق بولمايتىن.
1940 جىلدان باستاپ فەدوتوۆ كۇندەلىك جازا باستايدى، ول ەستەلىگىندە ءوز ءومىرىن عانا بايانداپ قويماي، الەمدىك ماسشتابتا نە بولاتىنىن ەگجەي-تەگجەيلى ايتىپ بەرەدى. ءوزىنىڭ بۇل قۇپياسىن ليەۆا جاقىن ادامدارىنان دا جاسىرىن ۇستايدى.
سوعىس باستالىسىمەن الىستان ناشار كورەتىنى مەن تالما اۋرۋىنا قاراماستان جاس بالا مايدانعا بارۋعا ءوتىنىش بىلدىرەدى. تۋلاداعى وقىتۋ بولىمىنە جىبەرىلەدى. ءبىراق فەدوتوۆقا ول جاققا جەتۋگە بۇيىرمايدى: 1943 جىلى 25 ماۋسىم كۇنى اسكەرگە شاقىرتىلعان بالالاردى اپارا جاتقان جۇك كولىگى كۋرسكتەگى جولدا بومبانىڭ استىنا تۇسەدى.
ءبىراز جىل وتكەن سوڭ، اگريپپينا نيكولايەۆنا فەدوتوۆا ۇلىنىڭ قول جازۋىمەن جازىلعان 15 داپتەردى ۇلىنىڭ بالا كۇنىندەگى دوسى، جازۋشى ميحايل كورشۋنوۆقا تابىستايدى. سولاي ماسكەۋلىك وقۋشى 40-جىلدارى قوعامدىق ءدۇمپۋ تۋعىزادى. ويتكەنى ليەۆا ول كەزدە ەشكىم بىلمەگەن وقيعالاردى الدىن-الا بىلگەن ەدى!
1940 جىلى 27 جەلتوقساندا فەدوتوۆ جازباسىندا ءوزىنىڭ سىنىپتاسىمەن داۋلاسىپ قالعانىن ايتقان. اڭگىمە عارىشقا ۇشۋ جايىندا بولعان. فەدوتوۆ سول كەزدە قالجىڭداپ، امەريكالىقتار 1969 جىلى مارسقا ۇشاتىنىن ايتقان. ول ازداپ قاتەلەسەدى: 1969 جىلى امەريكالىقتار مارسقا ەمەس، ايعا ۇشادى.
1941 جىلى 5 ماۋسىمدا ليەۆا كۇندەلىگىندە بىلاي دەپ جازادى:
«مەن وسى ايدىڭ ەكىنشى جارتىسىندا نەمەسە شىلدە ايىنىڭ باسىندا سوعىس باستالادى دەپ ويلايمىن، ءبىراق ودان كەش ەمەس. ايتپەسە گەرماندىقتار سوعىستى ايازعا دەيىن ءبىتىرىپ تاستاۋعا تىرىسادى...»
كۇندەلىكتى وقىعان تاريحشىلار تاڭ قالادى: قاتارداعى وقۋشى گيتلەردىڭ «بارباروسسا» جوسپارىنىڭ اسا قۇپيا تۇستارىن بايانداپ قانا قويماي، ونىڭ جەڭىلۋىنىڭ جاي-جاپسارىن ايتىپ بەرەدى. ول، سونداي-اق، سوعىستىڭ جۇرگىزىلۋ بارىسىن، انتيگيتلەرلىك كواليسياعا قانداي مەملەكەتتەردىڭ كىرەتىنىن دە ايتقان.
1941 جىلى 21 ماۋسىمدا ليەۆانىڭ كۇندەلىگىندە كەلەسى جازبالار پايدا بولعان: «ەندى وسى ايدىڭ اياقتالۋىمەن، مەن ەندى سوعىستى... بارلىق الەمگە ورناعان قايعىنى كۇتەمىن...»
قاراپايىم وقۋشىدا حالىقارالىق جاعدايعا بايلانىستى مالىمەتتەر قايدان پايدا بولعان؟ فەدوتوۆقا قۇپيا مۇراعاتتارعا قول جەتكىزۋ مۇمكىن ەمەس ەدى. وعان قوسا، جەتكىنشەك كىشكەنتاي جازۋمەن كۇنىنە ءجۇز بەتتەن جازىپ وتىرعان.
90-شى جىلداردىڭ سوڭىندا ديگگەرلەر بەرسەنيەۆسكيي جاعالاۋىندا جەر استىنان قازىلعان ۇڭگىرلەردە «ليەۆا فەدوتوۆ. بولاشاقتىڭ تاريحى» دەگەن جازۋ بار قالىڭ قوڭىر داپتەردىڭ تابىلعاندىعى جايلى اڭىز بار. ول جەردە ءبىزدىڭ كۇندەرگە دەيىن نە بولاتىنى جايلى جازىلعان دەپ ايتىلىپ ءجۇر. سونىمەن قاتار، XXI عاسىردىڭ باسىندا اقش پرەزيدەنتى قارا ءناسىلدى ادام بولاتىنى جانە ونىڭ باسقارۋى الەمدى توڭكەرەتىن ەكونوميكالىق جانە ساياسي كاتاكليزمالارعا اكەلەتىنى جايلى دەرەكتەر بار دەپ ايتىلىپ ءجۇر. ونىڭ تۇسپالداۋى سەرن جانە ۇلكەن ادروندىق كوللايدەر جايلى ەكەنى بەلگىلى. وسى ءجۇزجىلدىققا دەيىن «بولاشاقتىڭ تاريحىنىڭ» اۆتورى عالامشاردى ءبىر عانا ۇكىمەت باسقاراتىنىن، ال مەملەكەت ارالىعىنداعى شەكارالار شارتتى تۇردە بولاتىنىن ايتقان.
قۇپيا داپتەردىڭ تاريحى وسەك-اياڭ بولۋى دا مۇمكىن. قالاي بولعان كۇننىڭ وزىندە ليەۆا فەدوتوۆ بولجامدارىنىڭ قۇپياسىن وزىمەن بىرگە الا كەتتى.
