ءبىر جارىم اي بۇرىن پورتالىمىزدا قۇران سۇرەلەرىن دۇرىس وقۋعا تاربيەلەپ، ناماز ۇيرەتەتىن ەلەكتروندى جايناماز تۋرالى جازعان ەدىك. ناماز ۇيرەنۋگە وتە ءتيىمدى زاماناۋي جاينامازدىڭ ارتىقشىلىعى - تۇڭعىش رەت قازاقتىڭ ۇلتتىق ويۋ-ورنەگىمەن ورنەكتەلگەندىگىندە. اتالمىش ۇلتتىق ونىمگە قالىڭ جۇرت كوپتەپ قىزىعۋشىلىق تانىتا باستاعان. كەشە، 27 تامىز وتاندىق تەلە ارنالاردىڭ ءبىرى «31 ارنا» جاڭالىقتارىندا بۇل جاينامازدىڭ ەرەكشەلىكتەرى مەن ارتىقشىلىقتارى تۋرالى بايان ەتىلدى.  جاينامازدى جاساۋشى  الحانباي ساتىبالدى ۇلىنىڭ ايتۋىنشا، بۇل جايناماز ارقىلى نامازدىڭ ۇكىمدەرىن شاريعاتقا ساي تولىمدى ورىنداۋعا بولادى. ياعني نامازحان ساجدەگە جىعىلىپ، رۋكۋعقا تۇرعانداعى بارلىق قيمىلىن قالىپتاسقان ۇلگىگە ساي فيزيولوگيالىق تۇرعىدا دەنساۋلىققا دا پايدالى ەتىپ جاساي الادى. 

قاپتاعان ميسسيونەرلەر مەن اداستىرۋشى ءدىن وكىلدەرى كەلىپ، اتا ءدىنى يسلام اتىن جامىلىپ، جاستارىمىزدى وزگە اعىمدارعا بۇرىپ جاتقانىن كوزىمىز كورىپ وتىر. وعان دالەل كەيبىر قاراكوزدەرىمىزدىڭ قولىنا قارۋ الىپ تاياۋ شىعىستاعى سوعىستا «جيھاد» جاساپ جۇرگەنى. وسىنىڭ ءبارى يمان شارتتارىن دۇرىس تۇسىنە الماعان، ناماز شارتىن دۇرىس ۇعىنباۋدىڭ جانە ورىنداي الماۋدىڭ كەسىرى. تورىڭىزدە ءبىر ەلەكتروندى جايناماز تۇرسا قاتەسىز ناماز وقىپ، تۋرا ءدىن ۇستاناتىنىڭىز انىق. ەلەكتروندى جايناماز ءسىزدىڭ يمانىڭىزدىڭ كامىل بولۋىنا قىزمەت جاساسىن.