21 عاسىر تەك جاڭا تەحنولوگيالار ەمەس، سونىمەن قاتار قارىم قاتىناستىڭ جاڭا دامۋ كەزەڭى. وسى ورايدا، ءتىل بىلگەننىڭ ۇلكەن ارتىقشىلىقتارعا يە ەكەنى انىق. قازىرگى زاماننىڭ ەڭ وتكىر دە ءوتىمدى قارۋى- ءتىل. قانشا ءتىل مەڭگەرسەڭ، ءدال سونشا مادەنيەت مەن حالىق ايناسى اشىلاتىنى تاعى بار.

ەلباسىمىزدىڭ ءۇشتۇعىرلى ساياساتىنا سايكەس، اعىلشىن ءتىلى قازاقستان ازاماتىنىڭ ەڭ ءبىرىنشى قاجەتتىلىگىنە اينالۋدا. قازاق ءتىلىن انا ءتىلى رەتىندە قاستەرلەگەن ۇرپاق ءۇشىن اعىلشىن ءتىلى حالىقارالىق قاتىناس پەن ديپلوماتيانىڭ ەڭ ءبىرىنشى قۇرالى رەتىندە وزەكتىلىگىن ارتتىرۋدا.

ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى «شەتەل فيلولوگياسى» ماماندىعىن ءتىل ۇيرەنۋدى الدىنا ماقسات ەتكەن وقىرمان نازارىنا ۇسىنادى. وسى جىلى 75 جىلدىعىن اتاپ وتكەن ۋنيۆەرسيتەت رەسپۋبليكا كولەمىندە شەتەلدىك ءبىلىم بەرۋ سالاسىنداعى بىردەن ءبىر الما ماتەر بولىپ تابىلادى.

الەم ادەبيەتىن گومەردەن باستاپ بۇگىنگى كۇنگە دەيىن تەرەڭ وقىپ ۇيرەنگىسى، باسقا حالىقتىڭ مادەنيەتى مەن ادەت-عۇرپىمەن تانىسقىسى، كاسىبي دەڭگەيدە ەكى شەت ءتىلىن مەڭگەرگىسى كەلەتىن كەز كەلگەن ادام ءۇشىن بۇل ماماندىق كەرەمەت مۇمكىندىك.

اعىلشىن فيلولوگيا كافەدراسى جاس كافەدرالار قاتارىندا بولعانىنا قاراماستان، ءتىلدى سۇيەتىن تالاي تۇلەكتەردى ءبىلىم نارىمەن سۋسىنداتىپ ۇلگەردى. كافەدرا وقىتۋشىلارى لينگۆيستيكا سالاسىندا قارقىندى عىلىمي زەرتتەۋلەر جاساپ جۇرگەن عالىمدار.

ءار تىل-ەرەكشە الەم. ءبىز سىزدەردى وسى الەمگە قۋانا شاقىرامىز!