30 جاستاعى دجەمما حارريس باسپالداقپەن ءتۇسىپ كەلە جاتىپ اياعى شالىنىپ قۇلاپ قالعان. باسىن سوعىپ ەسىنەن تانىپ قالعان ول شاراسىز كۇيگە تۇسكەن. وسى كەزدە قاسىندا بولعان 5 جاستاعى بالاسى الفي بۇل جاعدايدا اناسىنا قولعابىس ەتكەن.
دجەمما ەسىن جيعاندا بالاسى جەدەل جاردەم شاقىرتىپ جاتىر ەكەن. 5 جاستاعى الفي جەدەل جاردەم شاقىرۋدى مۋلتفيلمنەن ۇيرەنىپ العان.
«ەگەر بالام بولماسا نە ىستەر ەدىم. قوزعالا الماي جاتتىم. تەلەفونعا بارۋ تۇگىلى قيمىلداۋعا مۇرشام بولمادى»-دەپ ەسىنە الادى بالانىڭ اناسى.
قۇلاپ بارا جاتقاندا ۇلىنىڭ ەسىمىن اتاپ شاقىرىپ ۇلگەرگەن ەكەن. كۇيەۋى جۇمىستا بولعان سوڭ بالاسى وعان كومەك كورسەتە الاتىن جالعىز ادام بولعان. 5 جاستاعى الفي جەدەل جاردەمگە تەلەفون سوعىپ ماماسىنىڭ قيمىلداماي، سويلەمەي جاتقانىن ايتقان. ودان كەيىن ءوزىنىڭ مەكەن-جايىن ايتىپ داىرگەرلەردى كۇتۋگە سىرتقا شىققان. جەدەل جاردەم دجەمميدى اۋرۋحاناعا الىپ كەتكەن. ارادا ءبىراز ۋاقىت وتكەن سوڭ ومىرىنە ايتارلىقتاي ءقاۋىپ بولماعاننان كەيىن ۇيىنە قايتىپ ورالدى.
شولۋشى: نازەركە مۇسا
