يندونەزيا مەملەكەتىنىڭ سۋراباي قالاسىنىڭ ءتارتىپ ساقشىلارى قاسيەتتى رامازان ايى قارساڭىندا ەرەكشە اكسيا وتكىزدى، دەپ حابارلايدى قامشى اقپاراتتىق اگەنتتىگى muslim.kz پورتالىنا سىلتەمە جاساپ.
قالا تۇرعىندارى بۇل كۇنى جول تەگىستەگىش ماشينامەن 100 000-عا جۋىق ىشىمدىك بوتەلكەلەرىن جانىشتالعانىنا كۋا بولدى. جەرگىلىكتى پوليسيا قىزمەتكەرى ليلي دجافاردىڭ ايتۋىنشا، الكوگولدى ىشىمدىكتەر رامازان ايىنا دەيىن سۋراباي قالاسىنىڭ بارلىق تۇكپىرىنەن تاركىلەنىپ الىنعان. سونداي-اق، تەكسەرۋ كەزىندە قولعا تۇسكەن ەسىرتكى زاتتارىن دا كوپشىلىك كوزىنشە ورتەپ جىبەرگەن.
