جەتىمدەر ۇيىنەن بالا اسىراپ العىسى كەلەتىندەردىڭ ءوز سەبەبى بار. ءبىرى بالالى بولالماعانى ءۇشىن وسىنداي قادامعا بارسا ەندى ءبىرى ءومىردى قايىرىمدىلىق ءىس جاساعىسى كەلگەندىكتەن ءبىر جەتىمدى باۋىرىنا باسۋدى ماقسات تۇتادى.

اسىراندى بالانى تۋعانىنداي كورىپ، جاقسى كورىپ كەتەتىندەر بارشىلىق. الايدا كەيبىرى جەتىمدەر ۇيىنەن بالانى تاجىريبە جۇرگىزەتىن جانۋار سەكىلدى قابىلداپ، قاتىگەزدىپ تانىتىپ جاتاتىندارى دا بارشىلىق.

كارلايل سميت ەسىمدى ەر ادام گرەيۆەللدەر وتباسىمەن كەزدەيسوق تانىستى. مايكل مەن شارەن 11 بالانى اسىراپ العان. ولار دەمالىس الۋ ءۇشىن بالا كۇتۋشىنى ءبىر كۇنگە جالداماققا بەكىنەدى. سول كەزدە كارلايل ءبىر كۇنگە بالا كۇتۋشى بولىپ بارادى. سىرت كوزگە مايكل مەن شارەن گرەيۆەللدەر ءجونى ءتۇزۋ ادامدار سەكىلدى كورىنەدى. ءدىندى بەرىك ۇستاناتىن، جومارت، جەتىم دەسە كومەكتەسۋگە دايىن تۇراتىن. الايدا وتباسىلىق جۇپ ۇيىندە مۇلدە باسقا كەيىپكە ەنەتىن.

كارلايلعا ەڭ الدىمەن شارەننىڭ بالالاردى مايمىلدار دەپ اتاعانى ۇنامادى. ودان كەيىن وگەي اناسى بالالاردىڭ بىرىنە بولمەدەن شىعىپ، ءوز تورىنا بارۋعا بۇيىرعان.

باستاپقى كەزدە سميت شالىس ەستىدىم دەپ ويلادى. الايدا شىندىق ول ويلاعاننان دا قورقىنىشتى بولىپ شىقتى. بالالار راسىمەن دە توردا تۇرادى ەكەن. ال تۇندە بالالار قاشىپ كەتپەۋى ءۇشىن ولاردى جانۋار سەكىلدى سىرتىنان قۇلىپتاپ قويادى ەكەن.

اسىراندى بالالاردىڭ وگەي اكەسى كارلايلعا بالالاردىڭ ءبىرى قاشىپ كەتكەن جاعدايدا ونى ساۋساقتارىنداعى سىممەن تىلىنگەن جاراقاتتار ارقىلى تانيتىنىن ايتادى. كەيىنىرەك وگەي اكەسى ءوزىن مويسەيمەن سالىستىردى. ونىڭ ايتۋىنشا، ەۆرەي پايعامبارى حالىقتى جاقسى ومىرگە قالاي جەتەلەسە، ول دا اسىراندى  بالالاردى ءدال سولاي جاقسى ومىرگە الىپ كەلگەنىن ايتىپ قالعان. مۇنى ەستىگەن سميت بالالار پسيحيكالىق اۋرۋعا شالدىققان قانپەزەرلەردىڭ قولىنا تۇسكەنىن بايقايدى.

ۇيدەن شىققاننان كەيىن سميت بىردەن الەۋمەتتىك قىزمەت ورتالىعىنا حابارلاسادى. وكىنىشكە وراي، بىردەن انىق دالەل تاپپاي وتباسىلىق جۇپتى ۇزاق ۋاقىت باقىلاپ، تەكسەرۋگە تۋرا كەلدى. الايدا بىرنەشە جىلدان كەيىن گرەيۆەللدەر وتباسىنىڭ اسىراندى بالالارعا قاتىستى قاتىگەز ارەكەتتەرى اشكەرە بولىپ، تۇرمەگە وتىردى. 

دايىنداعان: اسەم المۇحانبەت