تيشا بوشەميننىڭ تولىققاندى وتباسى بولدى. سۇيىكتى جۇبايى مەن بەس بالاسى. ايەل ادام ءۇشىن بۇدان اسقان باقىت بار ما؟ ول ءومىرىنىڭ از عانا ۋاقىت ىشىندە وزگەرىپ كەتەتىنىن مۇلدەم ويلاماسا كەرەك.

ءوزىنىڭ مۇلدەم تانىس ەمەس كورشىسىنە كومەكتەسەمىن دەپ بۇكىل ەلگە تانىمال بولعان.

ونىڭ ودري ەسىمدى كورشىسى بولعان. ەكەۋى اسا قاتتى جاقسى ارالاسپاعان ەكەن. تەك كۇن سايىن قال سۇراسىپ امانداسىپ تۇرعان. الايدا كۇندەردىڭ ءبىر كۇنىندە ودري اۋرۋحاناعا جاتاتىن بولادى. ول كورشىسى تيشاعا قولعابىس ەتۋدى وتىنەدى.

كوپ بالالى انا تيشا ءبىر تۇنگە ءودريدىڭ بالالارىنا قارايمىن دەپ ءومىرىنىڭ وسىنشالىقتى وزگەرەتىندىگىن ويلاماسا كەرەك. كەلەسى كۇنى ودريدە قاتەرلى ىسىك بارى انىقتالادى. سول ساتتەن باستاپ ودري مەن تيشا جاقسى قۇربىلارعا اينالادى. تيشا وسىنداي قيىن ساتتە اۋرۋعا شالدىققان ءودريدىڭ قاسىندان تابىلعان جالعىز ادام بولعان. 

كوپ ۇزاماي ءودريدىڭ كۇندەرى ساناۋلى ەكەنى بەلگىلى بولادى. اۋرۋعا شالدىققان ايەل ءوزىنىڭ ەمەس، بالالارىنىڭ بولاشاعىنا الاڭدايدى. سوڭعى ايتار سوزىندە بالالارىن تيشاعا تابىستايتىنىن ايتىپ، ولارعا قامقورشى بولۋىن  وتىنەدى.

ءودريدىڭ ءۇش بالاسىنىڭ تاعدىرىنا قاپالانعان تيشا جانە ونىڭ جۇبايى ءودريدىڭ قازاسىنان سوڭ بالالارىن اسىراپ الادى. 7 ادام تۇرعان ۇيگە ەندى تاعى 3 ادام  قوسىلىپ ءۇي ماسەلەسى پروبلەماعا اينالادى.

وسىعان قاراماستان تيشا قۇربىسىنىڭ بالالارىنا بار ىقىلاسى مەن كوڭىلىن بولەدى. الايدا ءۇي تارلىق ەتىپ ەرلى-زايىپتىلار قاتتى قينالادى.

كۇندەردىڭ ءبىر كۇنىندە تيشاعا جەرگىلىكتى تەلەارنادان كەلىپ وعان بىرنەشە كۇنگە قوناقۇيگە تۇرۋىن وتىنەدى. ۇلكەن وتباسى ۇيلەرىنە قايتا ورالعاندا ءوز كوزدەرىنە وزدەرى سەنبەيدى. جاناشىر حالىق تيشا مەن ونىڭ ۇلكەن وتباسىنا سىي جاساعان ەكەن. 

دايىنداعان: نازەركە مۇسا