4 شاقىرىم تەرەڭدىكتەگى تەڭىز تۇڭعيىعىن زەرتتەۋ بارىسىندا عالىمدار بۇرىن سوڭدى كورمەگەن بالىق ءتۇرىن تابادى. ونىڭ ۇستىنە بۇل بالىق وسىدان 150 جىل بۇرىن جويىلدى دەپ سانالعان.

اۆسترالياداعى مەملەكەتتىك عىلىمي جانە ونەركاسىپتىك زەرتتەۋ ورتالىعى العاشقى رەت ءتاسمانيدىڭ سولتۇستىگىنەن باستاپ كۆينسلەندتىڭ ورتالىعىنا دەيىنگى سۋدى قامتيتىن 4 شاقىرىم تەرەڭدىكتەگى تەڭىز تۇڭعيىعىن زەرتتەدى. عالىمدار سۋدىڭ تەرەڭدىگىندەگى ەرەكشە تىرشىلىك يەلەرىن ءتۇسىرۋ ءۇشىن سۋ استى كامەراسىن قوسقان، سونداعى كوزدەرىنە تۇسكەنى – «بەتى جوق» بالىق.

ۇستالعان بالىقتىڭ اۋزى بولعانىمەن بەتى جوق، سونداي-اق كوزى دە بولماعان. زەرتتەۋشىلەردىڭ پىكىرىنشە، كوزى تەرىسىنىڭ تەرەڭىنە كىرىپ كەتكەن، سوندىقتان كورىنبەيدى. ءدال وسىنداي بالىقتى سوڭعى رەت كورالل ارالىندا 1870 جىلى ۇستاعان.

ەندىگى سيرەك كەزدەسەتىن بالىق ءتۇرىن زەرتتەۋ جۇمىستارىنا كىرىسىپ كەتتى. عالىمدار زەرتتەۋ ءساتتى اياقتالسا، ناتيجەسى الداعى ونجىلدىقتىڭ كليماتىنداعى وزگەرىستەردى انىقتاۋعا مۇمكىندىك بەرەتىنىن ايتادى.

شولۋشى: سابينا رامازان