الەمدە ەسسىز سەزىمننىڭ كەسىرىنەن ەرلى-زايىپتىلار ءتۇرلى قادامدارعا بارادى. عاشىق ەكەنمىن دەپ نەبىر سوراقىلىقتارعا بارىپ جاتقان جاستارعا قاشان اقىل كىرەدى ەكەن؟! ءبىراق جاستار بىلاي تۇرسىن، اقىل توقتاتقان ادامدار دا سۇمدىق دۇنيەلەر جاساۋدا. وسىعان دەيىن ەر ادامنىڭ ايەل بولاتىنىن، ايەلدىڭ جىگىتكە اينالاتىنىن دا ەستىدىك، ءتىپتى كوردىك تە. ءبىراق ەرلى-زايىپتىلار ەسسىز سەزىمنىڭ جەتەگىنە ەرىپ، پلاستيكالىق وپەراسيا جاسادى دەگەندى كىم ەستىپتى؟ ءيا، ەرلى-زايىپتىلار بىر-بىرىنە قاتتى عاشىق بولىپتى، ءتىپتى بەت-بەينەسىن ۇقساس بولۋىن قالاعان.

مۋزىكانت دجەنەزيسا پي-ورريدجا مەن ونىڭ ايەلى لەدي دجەيدىڭ ەسسىز ماحابباتى سۇمدىق جاعداي اكەپ سوقتىردى. ولار  تانىسقاننان كەيىن، ەشۋاقىتتا ۇرىسىپ، جانجالداسپاعان ەكەن. ولار ءبىر-بىرىن ەسسىز سۇيگەندىگى سونشا بىردەي بولىپ كورىنۋ ءۇشىن 10 شاقتى وتا جاساتقان. ءبىراز جىلدان كەيىن مۋزىكانتتىڭ ايەلى قايتىس بولادى. ول ءارقاشان ايەلىن ەسكە ءتۇسىرۋ ءۇشىن ايناعا قارايدى ەكەن. ايناعا قاراعان سايىن ايەلىن كورگەندەي بولادى.

ولار بۇل ىس-ارەكەتتەرىن رومانتيكاعا بالادى. سونىمەن بىرگە ولار بالا سۇيگىلەرى كەلمەيتىنىن دە مويىنداپ وتىر. «ءبىز ءتىپتى بىردەي  كيىنەتىن ەدىك»،-دەيدى مۋزىكانت. ءبىراق ءبىراز جىلدان كەيىن دجەي بيكەش قاتەرلى ىسىك اۋرۋىنان قايتىس بولدى. دارىگەرلەردىڭ ايتۋى بويىنشا ول ءوز دەنەسىنە شەكتەن تىس كوپ وپەراسيا جاساعاندىقتان، اعزاسى ونى كوتەرە الماپتى. سوسىن اسقازانىندا قاتەرلى ىسىك تە پايدا بولعان. وسىلاردىڭ سالدارىنان ول قايتىس بولعان كورىنەدى. ول بار جوعى 38 جاستا ەدى.

سەزىمدى اقىلعا جەڭدىرسەڭ ۇتاسىڭ، ەگەر ناپسىڭە جەڭدىرسەڭ ۇياتقا قالاسىڭ. ولار ۇياتقا قالىپ قانا قويعان جوق، ءوز ومىرلەرىنە  دە زيانىن تيگىزدى. سوندىقتان سەزىم دەي بەرگەننەن گورى، اقىلمەن ويلانعان دا ءجون شىعار. 

دايىنداعان: سابينا رامازان