شىمكەنتتە جەزوكشەلەر ءۇيى پوليسيا قورشاۋىنا الىنىپ، بىرنەشە ايەل قۇلدىقتان قۇتقارىلدى دەپ حابارلايدى قامشى اقپاراتتىق اگەنتتىگى otyrar.kz-كە سىلتەمە جاساپ.

27 جاستاعى ۆيكتوريا الماتى قالاسىنىڭ تۋماسى. الماتىدا ونىڭ تۋىستارى تۇرادى. 

ەر جىگىتپەن تانىسقان ۆيكتوريا سۇيىكتىسىنىڭ قىزداردى ساتۋمەن اينىساتىنىن ءتىپتى ويلاماعان.  10 كۇننەن كەيىن ونى الداپ سوعىپ الماتىدان شىعارىپ شىمكەنتتەگى بوردەلدەردىڭ بىرىنە ساتىپ جىبەرگەن. ۆيكتوريا  قاتىگەز ايەلدىڭ قولىندا تۇتقىندا بولعان. ول ونى ساباپ، تاماق بەرمەگەن.

«ول مەنى كۇننەن-كۇنگە قاتتىراق ۇرا باسادى. مۇرنىمدى قاناتتى. جۇمىس ىستەيسىڭ، ىستەمەسەڭ سەنى بۇدان دا سوراقى جەرگە ساتىپ جىبەرەمىن دەدى. وندا سەن ناركوماندارمەن بىرگە تۇراسىڭ، ولار سەنى ەسىرتكىگە وتىرعىزىپ تاستايدى. 24 ساعات بويى جۇمىس ىستەيسىڭ دەدى. مەن قاتتى قورىقتىم. قاشىپ قۇتىلۋ مۇمكىن بولمادى. كىلت تەك قانا پاتەر جالدايتىنداردا عانا بولدى»-دەپ ەسىنە تۇسىرەدى ۆيكتوريا.

وسىنداي قورقىنشتان ۆيكتوريا سەكسۋالدىق قىزمەتتەر ۇسىنىپ جۇمىس ىستەي باستايدى. الايدا كوپ ۇزاماي بۇل توزاق ءبىتىپ، ونى كليەنتتەرىنىڭ ءبىرى قۇتقارىپ العان. پوليسەيلەر بۇل بوردەلدى قورشاۋعا الىپ، قۇلدىقتا جۇرگەن قىزداردى تاۋىپ العان.

شىمكەنتتەگى جەزوكشەلەر ۇيىندە 35 جاستاعى بوتا ەسىمدى ايەل دە بولعان. ول مۇندا 5 جىل بويى تۇتقىندا بولىپتى. ونى  ماسكەۋگە الداپ اپارىپ قۇجاتتارىن تارتىپ العان.

بۇگىن قۇتقارىلعان تۇتقىن قىزدار ارنايى باسپاناعا ورنالاستىرىلدى. بارلىعى 9 ادام مەن 4 بالا تۇرىپ جاتىر. باسپاناعا زاڭگەر، پسيحولگتار كەلىپ جۇمىس ىستەپ جاتىر. «ولار وز-وزدەرىنە كەلگەن سوڭ قارىم-قاتىناستى ۇزبەۋگە تىرسامىز، جۇمىسقا ورنالاستىرۋعا دا مۇمكىندىك بولادى»-دەيدى ادامدار ساۋداسى قۇرباندارىنا ارنالعان باسپانا ديرەكتورى راۋشان حۋدايشۋكۋروۆا.

شولۋشى: نازەركە مۇسا