مەتيۋ مەن دانيەلا شاڭىراق كوتەردى. جەتى اي وتكەننەن كەيىن قايعىلى جاعداي بولدى. مەتيۋ ءىرى جول-كولىك اپاتىنا ءتۇستى. سونىڭ سالدارىنان كوماعا ءتۇسىپ، بىرنەشە ايعا توسەككە  تانىلدى. ول جاساندى تىنىس الۋ اپپارتىمەن عانا تىنىس الىپ، سول ارقىلى جۇرەگى سوعىپ تۇردى. دارىگەرلەر دانيەلدى اپپاراتتان وشىرۋگە كەڭەس بەردى. سەبەبى مۇنداي جاعدايداعى ادامداردىڭ تەك 10% ويانادى ەكەن. كوبى ءومىر بويى توسەككە تانىلىپ، ەستۇسسىز جاتادى. الايدا دانيەلا دارىگەرلەردىڭ ۇسىنىسىن اشۋمەن قابىلدادى. سەبەبى سۇيىكتى جارىن ءوز قولىمەن ءولتىرۋ ونىڭ ەشقاشان ويىنا كەلگەن ەمەس.

دانيەلا كۇيەۋىن ۇيىنە الىپ كەتىپ، وعان ءوزى قارادى. وياناتىن ادامداردىڭ 10% ىشىندە مەتيۋ دا بولادى دەپ سەندى. ۇزاق جىلدار بويى دانيەلا عاجايىپقا سەندى، كۇتتى. ايەلدىڭ اتا-اناسى وعان دارىگەردىڭ ۇسىنىسىن قابىلداۋعا ۇگىتتەدى. كۇيەۋى ەندى ويانبايتىنىن ايتىپ، جاڭا ءومىر باستاۋعا كەڭەس بەردى. ونىڭ جاستىق شاعى مەن ءومىرى ناۋقاس كۇيەۋىنە قاراۋمەن ءوتىپ جاتقانىن جانە جەكە ومىرىنە نۇقسان كەلتىرىپ جاتقانىن العا تارتتى. اتا-اناسى دانيەلانى جىگىتتەرمەن تانىستىرۋعا تالپىندى. بىرەۋگە عاشىق بولسا ءوز ويىن وزگەرتەدى دەپ سەندى. الايدا دانيەلا ەشكىمگە قۇلاق اسپادى. تەك مەتيۋدى سۇيەتىنىن جانە ول ءتىرى كەزدە وعان ادال بولاتىنىن ايتتى. ول جاتسا دا، تۇرسا دا قۇدايدان كۇيەۋىنىڭ ساۋىعىپ كەتۋىن  تىلەدى.

جاساندى تىنىس الۋ اپپاراتىنا دا اي سايىن قوماقتى قارجى قاجەت بولدى. دانيەلا نەگىزگى جۇمىسىنان بولەك، قوسىمشا جۇمىس ىستەدى. 

بەس جىلدان  كەيىن مەتيۋ كوزىن اشتى. ونى «وسىمدىك» ساناتىنا كىرگىزگەن دارىگەرلەردىڭ بولجاعانى بولمادى. كۇيەۋى ەسىن جيعانىمەن بارلىعىن ۇمىتىپ قالعان. ءتىپتى ءوز ايەلى دە ەسىندە جوق ەكەن.  

سۇيىكتى جارىنىڭ قامقورلىعى مەن ماحابباتىنىڭ ارقاسىندا ونىڭ جاعدايى كۇننەن-كۇنگە جاقسارىپ كەلەدى. ول كىشكەنتاي بالا سەكىلدى بارلىعىن باسىنان ۇيرەنىپ ءجۇر. ءجۇرۋدى، سويلەۋدى، قاسىقتى ۇستاۋدى جانە ت.ب. مۇنىڭ بارلىعىن دانيەلا ىجداعاتتىلىقپەن، ماحابباتپەن كۇيەۋىنە ۇيرەتۋدە. ءقازىر دانيەلا وتە باقىتتى ەكەنىن ايتادى. ال مەتيۋ  دانيەلا سەكىلدى ادامنىڭ ءومىر جولىندا كەزدەسكەنىنە جانە جار تاڭداۋدا قاتەلسەپەگەنى  ءۇشىن قۇدايعا كۇندە العىس ايتىپ، ايەلىنە شەكسىز ريزا ەكەنىن ايتادى. اياعىنا تىك تۇرىپ، قالىپتى ومىرگە ورالعاننان كەيىن دانيەلانى باقىتتى ەتۋ ءۇشىن قولىنان كەلگەنىنىڭ بارلىعىن جاساۋعا ۋادە بەردى. مۇنى ەستىگەن دانيەلانىڭ ونىڭ ويانعانىنىڭ ءوزى ول ءۇشىن باقىت ەكەنىن ايتادى. 

دايىنداعان: اسەم المۇحانبەت