قانداي قيىن.... اتا رۋحى - قانداي ءورشىل؟
قيىپ تۇسەر قىلىشتان.
زامانىندا كورە المادى، تالاپ جەدى، تۇس-تۇستان،
ال بۇگىندە ۇمىت بولماس، ەرلىگى ونىڭ ويتكەنى:
قاسىق قانى قالساداعى قايتپايتۇعىن سوعىستان.

ەلى ءۇشىن!
جەرى ءۇشىن!
تەرىن توگىپ ايانباۋ،
ۇلت نامىسىن!
ءوز بورىشىن!
ىسپەن كەلىپ بايانداۋ.
سوزبەن ەمەس جۇرەگىمەن سۇيەتۇعىن ءوز ەلىن،
اتاما ءتان مىنەز ەدى، داۋىل سوقسا تايانباۋ.

قانداي قيىن...
سەن بىلەسىڭ!
ءومىرىڭدى سۇرە الماۋ.
سۇرەسىڭ عوي ءبىراقتاندا...
ءوز تەگىڭنەن جىراقتاۋ.
ءومىرىڭدى وتكىزۋگە بولادى ەكەن ءبىراقتان:
«اتاڭسىز» وتكەن ءاربىر كۇنىڭ، ءوز-وزىڭدى قۇر الداۋ.

قانداي قيىن...
بۇل ومىردە اتاڭىزدى كورە الماۋ،
«اتا-اتا»،-دەپ ەركەلەپ،
قۇشاعىنا ەنە الماۋ.
قانداي قيىن...
اتاڭىزدىڭ قولىن قىسىپ ۇستاماۋ،
شۇيىركەلەسىپ اڭگىمە ايتىپ،
ەرتەگىسىن تىڭداماۋ.

قانداي قيىن...
اتاڭىزبەن تىعىلىسپاق ويناماۋ!
قانداي قيىن...
اتاڭىزدىڭ جۇرەگىنە بويلاماۋ!
قانداي قيىن...
اتاڭىزدىڭ جاي-كۇيىن دە ويلاماۋ!
قانداي قيىن...
مەرەي تويىن دۇركىرەتىپ تويلاماۋ!

قانداي قيىن...
«نەمەرەم»،- دەپ ايتقانىندا ەستىمەۋ،
امالسىزدان قاراپ تۇرساڭ، سۋرەتىنە ەسكىلەۋ...      

ەرنار ەرگەش، 11 سىنىپ وقۋشىسى