توممي كونوللي قاراپايىم ستۋدەنت ەدى. ول ساباعىن جاقسى وقىدى، سپورتپەن شۇعىلداندى. ول جەڭىل اتلەتيكامەن اينالىسۋدى جوسپارلادى.

الايدا ونىڭ ومىرىندە كۇتپەگەن جاعداي ورىن الدى.

ءبىر اپتانىڭ ىشىندە ول قاراپايىم ستۋدەنتتەن قامقور اكە مەن اتاعا اينالدى. ءتومميدىڭ ءومىرى انگەلا ەسىمدى بولەسى ۇيىنە كەلگەندە تۇبەگەيلى وزگەردى. توممي بولەسىن ونىڭ بالا كەزىندە كورگەن. ودان بەرى تۋىسقاندار ارالاسقان ەمەس. بەلگىلى بولعانداي قىز قيىن جاعدايعا تاپ بولدى.

17 جاستاعى انگەلا جۇكتى ەكەن. بىرنەشە جىل بۇرىن قىز جامان ورتاعا ءتۇسىپ، ەسىرتكى قابىلداۋعا دەيىن بارعان. انگەلانىڭ اپكەسى مەن اعاسى ونىڭ جۇكتى ەكەنىن بىلگەننەن كەيىن ۇيىنەن قۋىپ شىققان.

جۇكتىلىكتىڭ سوڭعى ايلارىنا جەتكەن انگەلانىڭ قالتاسىندا مۇلدە اقشا قالماعان. امالدىڭ جوقتىعىنان تومميعا كومەك سۇراپ كەلگەن.

توممي ەش ويلانباستان بولەسىن اسىراپ الدى. وسىلايشا ءبىر ۋاقىتتا اكە جانە اتا اتاندى. توممي جاڭا وتباسىن ماتەريالدىق تۇرعىدا قامتاماسىز ەتۋ ءۇشىن بىرنەشە جۇمىستى قاتار ىستەدى.

ءتومميدىڭ ارەكەتى قوعامدى تاڭقالدىردى. ول بولەسىنە قول ۇشىن بەرۋدەن باس تارتقان جاعدايدا انگەلا دا، ونىڭ بالاسى دا جوق بولىپ كەتۋشى ەدى دەيدى توممي. توممي بولەسىن ەرەسەكتەر الەمىندە ءوزىن جوعالتىپ العان بالا سەكىلدى قابىلدايتىنىن ايتادى. ول ءوز وتباسىمەن جانە بالاسىنىڭ اكەسىمەن قايتا قاۋىشادى دەگەن سەنىمدە.

دايىنداعان: اسەم المۇحانبەت