سانداردىڭ ءسىز تۋرالى جاسىرعان قۇپياسىن بىلمەس بۇرىن نۋمەرولوگيا عىلىمىنا شولۋ جاساساق. 
نۋمەرولوگيا - ساندار تۋرالى ەجەلگى عىلىم. دالىرەك ايتساق، سانداردىڭ ءسىزدىڭ ومىرىڭىزگە، مىنەزىڭىزگە، تاعدىرىڭىزعا، بولاشاعىڭىز بەن اينالاداعى بولىپ جاتقان ءجايتتارعا اسەرى. نۋمەرولوگيا ادامعا قاي باعىتتا جۇمىس جاساۋ كەرەك ەكەندىگىن دە انىقتاپ بەرە الادى. ءتىپتى، ادامنىڭ قاي سپورت تۇرىنە بەيىم ەكەندىگىن، قانداي مۋزىكانى ۇناتاتىندىعىن، تاعامعا دەگەن تالعامىن دا دارالايدى. ساندار جەكە تۇرىپ ءبىر بولەك، بىرگە تۇرىپ باسقا ماعىنا بەرەدى.

قازىرگى تاڭدا نۋمەرولوگيانىڭ ءتۇر-تۇرى بار. مىسالى: تۋعان كۇن نۋمەرولوگياسى، پيفاگوردىڭ ساندار فيلوسوفياسى، ءۇندى نۋمەرولوگياسى، دەنساۋلىق نۋمەرولوگياسى ت.س.س. ءتىپتى، ەسىمىڭىزدىڭ دە سىزدەن جاسىرعان نۋمەرولوگيالىق سىرى بولادى.  ءار ادامنىڭ وزىنە جاقىن سانى، ءنومىرى بولاتىن جاعدايلار جەتەرلىك. ەستىگەن بولارسىز؟ كەيدە كوپ كەزدەسەتىن ساندارعا ءمان بەرمەي وتە شىعامىز. الايدا، ولاردىڭ دا سىزدەر جايلى ايتاتىنى بار ەكەن...

0 – ماتەريالدىق تابيعاتتىڭ قۇپيالارىنا تولى. بۇل ءنومىر جان-جاقتى ەنەرگيانى، ۇيلەسىمدىلىك پەن اقيقاتتى بىلدىرەدى. ەگەر الدىڭىزدان قايتالانعان نولدەر كەزدەسەتىن بولسا، ءوزىڭىزدى رۋحاني جاعىنان دامىتۋ قاجەت ەكەنىن ۇمىتپاعايسىز. تۋا بىتكەن مۇمكىندىكتەر مەن كۇش-قۋاتتىڭ بەلگىسى بولعاندىقتان، بۇل سانعا قاتىسى بار ادامدار تالانتتى ءارى قايسار بولادى. الايدا، ونى قالاي قولدانۋ كەرەكتىگىن جەتە تۇسىنبەيدى.

1 – ويلاۋ قابىلەتىنىڭ تياناقتىلىعىن بىلدىرەدى. باسقالاردىڭ ويىنا قۇلاق اسپايتىن، جەكە تاجىريبەسىنە سۇيەنەتىن سان. باتىلدىق، قايسارلىق پەن تاپقىرلىق ءتان. ادامداردى باسقارۋ مەن ولاردى كوندىرۋ قيىنعا سوقپايدى. ناعىز كوشباسشىنىڭ بەلگىسى. الايدا، بۇل ساننىڭ جامان قاسيەتتەرى دە جوق ەمەس. مىسالى، شەكتەن تىس سەنىمدىلىك وركوكىرەكتىك پەن قىرسىقتىققا اكەلىپ سوعادى.

2 – مەيىرىمدىلىك، جومارتتىق، ناقتىلىق پەن تۇسىنىستىكتى بىلدىرەدى. ازداپ رومانتيزم مەن ينتۋيسيا بار. جالپى، ەش كەمشىلىگى جوق پەرىشتە سىندى دەرسىڭ. ومىردەگى تۇراقتىلىق پەن تەپە-تەڭدىكتى بىلدىرگەنىمەن، بارلىعى ۇنەمى جاقسى بولا بەرمەيدى. سول سەبەپتى، مۇنداي قاسيەتتەرگە ءتان ادامدى كەزدەستىرۋ ءتىپتى مۇمكىن ەمەس.

3 – ومىرسۇيگىشتىك پەن ءوپتيميزمنىڭ بەلگىسى. بۇل سانمەن بايلانىسى بار جان وزىنە سەنىمدى جانە ۇساق-تۇيەككە ءمان بەرمەيدى. ءبىراق، سىزگە بولىنگەن كوڭىل مەن ۋاقىت از مولشەردە بولسا، ومىردەن ءتۇڭىلىپ كەتۋىڭىز عاجاپ ەمەس. وزگەلەردىڭ تاراپىنان سىزگە ۇنەمى قىزىعۋشىلىق بولۋى كەرەك، قارسى جاعدايدا ءسىز الەمدى قاتىگەز دەپ تانيسىز.

4 – بۇل ساننىڭ قاسيەتتەرىن تەك ەرلەرگە ءتان دەپ ايتۋىمىزعا بولادى. ءبىراق، بۇل قاسيەتتەر كوبىنە ايەل زاتىنىڭ بويىندا كەزدەسەدى. توزىمدىلىك، ەڭبەكقورلىق پەن ءوز پرينسيپتەرىنە ادالدىق. بۇل ومىردە ەشنارسەنىڭ تەگىن كەلمەيتىنىن، بارلىق نارسەنىڭ وتەمى بار ەكەنىن جاقسى تۇسىنەتىن ادامدار. كەز كەلگەن ورتادا بەلسەندىلىك تانىتىپ، نە ىستەۋ كەرەكتىگىن ناقتى بىلەتىن جانداردىڭ سانى. ءسىزدى بارلىعى قۇرمەتتەگەنمەن، جاقتايتىندار ساناۋلى. بۇل سانمەن تۋىلعاندار كوبىنەسە وتە قىرسىق ، ءارى ءىشپىستىرارلىق بولىپ كەلەدى. ولار ءوز دەگەندەرىن دالەلدەپ، باسقالاردىڭ قاتەلىكتەرىن بەتىنە باسقاندى اسا ۇناتادى. ادامدارعا كۇمانمەن قاراپ، ۋاقىتتى بوس كەتىرمەيدى.

5 – سانداردىڭ اراسىنداعى ەڭ مىقتىسى. ومىرگە دەگەن بەيىمدىلىك، تاپقىرلىق پەن تابيعاتى ەرەكشە زاتتارعا دەگەن قۇشتارلىقتى بىلدىرەدى. ءسىزدىڭ ەنەرگياڭىز كەز كەلگەن وزگەرىستى وڭاي وتكەرۋگە كومەكتەسەدى ءارى كەز كەلگەن جاعدايدان وڭاي شىعىپ كەتەتىنىڭىزگە بەك سەنىمدىسىز. قانداي جاعداي بولماسىن، قورىقپاي، العا ۇمتىلىڭىز. 5 سانى سىزگە كومەكتەسەدى!

 6 – بۇل ساننىڭ  جاقسى قاسيەتى – ادامدارعا دەگەن ەرەكشە ىقىلاستىڭ بولۋى. قىزمەتتە ءسىز وتە قاتال ءارى تالاپشىل باستىق بولۋىڭىز مۇمكىن، الايدا، ادامنىڭ ءومىرى مەن جەكە باسىن قاتتى قۇرمەتتەيسىز. دۇنيەدەگى ەڭ باعالى زات ءسوز ەركىندى دەپ بىلەسىز. قولىڭىزداعى باردى بەرۋگە دايىن جاناشىر ادامدار وسى ساننىڭ مەنشىگىندە. ءسىزدىڭ جاقىندارىڭىز سىزگە ۇنەمى يىق تىرەي الاتىنىن جاقسى بىلەدى. سونىمەن قاتار، باسقالاردىڭ قامى ءۇشىن ءوز قىزىعۋشىلىقتارىڭىزدان باس تارتۋعا دەيىن باراسىز. ول ءوز كەزەگىندە سىزگە كوپتەگەن قيىن ماسەلەلەر تۋعىزۋى مۇمكىن.

7 – بۇل  ساننىڭ باستى ەرەكشەلىگى ويلاۋ قابىلەتى مەن ىشتەگى تىنىشتىقتىڭ جوعارعى دەڭگەيدە تانىلۋى. كەز كەلگەن قيىن سۇراقتاردىڭ جاۋابىن دا ەش قيىندىقسىز تاۋىپ الادى. ومىردە بولاتىن ءارتۇرلى جاعدايلاردا بۇل قاسيەت سەپتىگىن تيگىزەدى. جامان قاسيەتتەرى: سىپايىلىق بولمايدى، جاقسى مىنەز اتىمەن جوق. ول تۋرالى ەل نە ويلايتىنى مۇلدە قىزىقتىرمايدى. قولايلى ءسات تۋعان كەزدە باسقالاردان ەرەكشە ەكەنىن ەسكە سالىپ وتىرادى. سول ارقىلى دوستارىنان ايىرىلىپ، ادامدارمەن قارىم-قاتىناسى قيىنداي تۇسەدى.

8 – ىسكەرلىك شەبەرلىك پەن باتىلدىق وسى سانعا ءتان قاسيەت. وسى سانمەن تۋعان ادامدار الەمدى باسقارادى. ولار ءۇشىن الىنبايتىن اسۋ، بەرىلمەيتىن قامال جوق. العا قويعان ماقساتى مەن وعان جەتەتىن جولدى ناقتى كورەدى. سول سەبەپتى، قاشان نە ىستەۋ كەرەك ەكەندىگىن جاقسى بىلەدى. قاتىگەز بولعانمەن، ادال. جاقىندارى مەن سۇيىكتىلەرى ءۇشىن ودان اسقان قامقورشى جوق. جاعىمسىز جاعى  باعىنىشتى ادامداردى قاناۋ مەن وركوكىرەكتىگى ونى ۇنەمى اياقتان شالادى. قىزمەتتەگى قاتالدىعى كۇندەلىكتى ومىردەگى يميدجگە ءوز زيانىن تيگىزۋى مۇمكىن.

9 – اسا مەيىربان جاندار، ادامداردى بىردەي جاقسى كورەدى، ولارعا كومەك قولىن سوزۋعا قۋانا-قۋانا دايىن. تابيعاتىڭىزدان ادامداردى جاقىن تارتاسىز، ولار دا سىزبەن دوس، سەرىكتەس، ارىپتەس بولۋعا ۇمتىلادى. دەگەنمەن، اينالاداعى بارلىق نارسەنى دراماعا اينالدىرعاندى ادەتكە اينالدىرعان. بارلىعى جاقسى بولسا، سىزدەن شۋاقتى جان تابىلماس. ءبىراق، كىشكەنە نارسە ءۇشىن جانجال شىعارىپ، قورشاعان ورتاڭىزدى تەرەڭ دەپرەسسياعا ۇشىراتۋىڭىز عاجاپ ەمەس.