اجىراسۋ... وتكەن زامانداردا بۇل ءسوزدى ايتۋدىڭ ءوزى ۇرەي تۋدىراتىن، ءبىر جۇپتىڭ اجىراسقانى قوعامدىق ماسەلە سانالعان. ال بۇگىندە اجىراسۋ قالىپتى جاعدايعا اينالىپ بارادى. الەم بويىنشا نەكەلەسكەن ەكى جۇپتىڭ ءبىرى كوپ ۇزاماي اجىراسىپ جاتادى. ونىڭ سەبەبى دە كوپ: تۇرمىستىق جاعداي، تۇسىنىسپەۋشىلىك، قارجىلىق قيىندىقتار، قولداۋدىڭ جەتىسپەۋشىلىگى – وسىلاردىڭ سالدارىنان ەكى جاستىڭ سەزىمى سونەدى. سابىرلىق تانىتىپ، ءبىر شەشىمىگە ويلانىپ كەلۋدىڭ ورنىنا، اجىراسۋعا بەل بايلايدى. ەڭ سوراقىسى، سول اجىراسۋدىڭ ءبىر ۇشى بالالارىنا تيەتىنىن ولار ويلاپ تا جاتپايدى. اناسى نەمەسە اكەسى... وسى ەكەۋىنىڭ قايسىسىمەن قالاتىنىن سۇراپ، جاۋاپ بەرۋىن تالاپ ەتىپ جاتادى. بۇل ءادىس ەسى كىرگەن بالاعا قاتىستى. ال ەسى كىرە قويماعان سابيلەر كوبىنە اناسىمەن قالىپ جاتادى، نە بولماسا اتا-انا اراسىندا بالاعا تالاسۋ پروسەسى جۇرەدى.

اتتەڭ، انا مەن اكە ەسكەرمەيتىن ءبىر ماسەلە بار. مۇنىڭ ءبارى بالانىڭ پسيحولوگياسىنا كەرى اسەرىن تيگىزبەي قويمايدى. بالا نە اناسىمەن، نە اكەسىمەن تۇرۋدى قالامايدى، ول تولىققاندى وتباسىنىڭ بولعانىن اڭسايدى.

الەۋمەتتىك جەلىدە «اجىراسۋ» جايىندا اسەرلى ۆيدەو تارالدى. ۆيدەودان اجىراسۋدىڭ سالماعى بالاعا تۇسكەنىن بايقايمىز. ونى كەز كەلگەن اتا-انا بايقاسا دەگەن نيەتپەن Qamshy.kz اقپارات اگەنتتىگىنىڭ ءتىلشىسى ۆيدەومەن ءبولىسۋدى ءجون كوردى.