رەسەي قىرعىزستان قارۋلى كۇشتەرىنە ەكى ان-26 اسكەري ۇشاعىن بەرەدى، دەپ جازادى Qamshy.kz اقپارات اگەنتتىگى. تابىستاۋ ءراسىمى 10 تامىز كۇنى رەسەيلىك «كانت» اۋە بازاسىندا بولماق. بۇل تۋرالى قىرعىزستان قارۋلى كۇشتەرىنىڭ باس شتابى حابارلادى.

حابارلاماعا سۇيەنسەك، رەسەي قىرعىزستانعا ۇشاقتاردى اسكەري-تەحنيكالىق كومەك شەڭبەرىندە بەرمەك. ۇسىنىلماق كومەكتىڭ قاراجاتى باس شتابتا ايتىلمادى. ريا نوۆوستي قىزمەتىنىڭ مالىمەتىنە سايكەس، رەسەي قىرعىزستانعا بروندالعان تەحنيكالاردى، اتىس قارۋىنىڭ ءتۇرلى تيپتەرى مەن ارتيللەريالىق جۇيەلەردىڭ قوسالقى بولشەكتەرىن تەگىن تابىستاعان.

ان-26 كەڭەستىك اسكەري ۇشاعى – باستاپقى ان-24 مودەلىنىڭ موديفيكاسياسى. ۇشاق ەكى ءتۋربوۆينتتى جانە ءبىر قوسىمشا رەكاتيۆتى قوزعالتقىشتارمەن جابدىقتالعان.