اللاعا سانسىز شۇكىرشىلىك ەتەمىن، مەنى حالقىم “ەل انا” دەپ اتايدى. وسى اتتى قويعاننان ەمەس-اۋ. ءاۋ باستان اتا بابالارىمنان، اكەلەرىمنەن انالارىمنان قان ارقىلى كەلگەن تۋا ءبىتتى قاسيەتىم بولار، ايتەۋىر ادامدارعا ادىلەتسىزدىك جاسالىپ جاتسا شىدامايمىن. قالاي بولعاندا دا وعان، ولارعا كومەكتەسۋگە جانۇشىرا كىرىسەمىن. جانە سول ارەكەتىمنەن ناتيجە شىعارۋعا تىرىسامىن. “ەل انا” دەگەن ات ماعان ۇلكەن جاۋاپكەرشىلىك ارتادى. سوندىقتان دا جان-جاعىمدا بولىپ جاتقان جايتتارعا بەيجاي قاراي المايمىن.
ەكى كۇن بۇرىنعى ق ر پارلامەنت ءماجىلىسىنىڭ ءتوراعاسى نۇرلان نىعماتۋلين مىرزاعا جاعىلىپ جاتقان جالا، وسەك-اياڭ مەن قاراكۇيە مەنى دە ەلەڭدەتىپ، مازامدى كەتىردى. كۇنى كەشە «جاس الاش» گازەتىنە ورالحان ءداۋىت دەگەن ازامات «نۇرلان نىعماتۋلين قايدا ءجۇر؟» دەگەن جالاڭ ويعا، جالعان دولبارعا قۇرىلعان «ساۋەگەي» ماقالا جاريالادى. بۇل قايدان شىققان دوكەي دەپ قاراسام، مەنىڭ كەنجە بالامنان دا كىشى بولىپ شىقتى. سوندىقتان بالام دەپ سويلەمەكپىن تومەندە.
سول ماقالادا «ايدىڭ ك ءۇ ن ءى ا م ا ن د ا بىلدەي ءبىر ازاماتتىڭ قا ر ا س ى ك ءو ر ءى ن ب ە ي ق ا ل ع ا ن سوڭ، بۇل جاعدايدان استار ىزدەپ، سان-ساققا جۇگىرتىپ، كەلەر كۇننەن نە كۇتەمىز؟ نۇرلان نىعماتۋلين قايدا؟ الاڭداپ جاتقاندار دا بارشىلىق. ادام قاشاندا ارام ويعا جۇيرىك ەمەس پە؟ «جۇمىسىنان شيكىلىك شىعىپ، ءىستى بولىپ قالدى ما ەكەن؟ الدە اڭدىسىپ جۇرگەن «جاۋلارى» الىپ جىقتى ما؟ وتباسىنا جاقىن ءبىر كاسىپكەردىڭ باسىنا ءىس ءتۇسىپ، ەلدەن بەزىپ كەتىپتى دەگەن اڭگىمە شىعىپ ەدى، الدە سونىڭ سالقىنى ءتيدى مە ەكەن؟» دەپ، قىسقا كۇندە قىرىق رەت قۇمالاق شاشىپ، ءارتۇرلى جورامالدار ايتىلۋدا» دەپ «اڭىراتىپ» باستاپ، قارا اسپاندى «ءتوندىرىپ» تاستاپتى. بۇل ارينە وتىرىك پايىم. جالعان تولعاۋ. قاتىگەز پايىم! بۇل نەگىزى وسەر ەلدىڭ بالاسىنىڭ ءسوزى ەمەس. كەرىسىنشە، كەرى كەتەر ۇلتتىڭ تاسباۋىر ۇرپاعىنىڭ ءوي-ورىسى!
ءبىزدىڭ كەيبىر جۋرناليستەردە وتە جامان ءبىر ادەت-ارەكەت بار. شەنەۋنىك دەسە، اسىرەسە لاۋازىمدى شەنەۋنىكتەرگە ەسەبىن تاپسا قارا كۇيە جاعۋعا تىرىسادى. مەيلى ول شىڭدىققا جاناسا ما، جاناسپاي ما، ايتەۋىر سەنساسيا تۋدىرۋ ءۇشىن، تيسە تەرەككە، تيمەسە بۇتاققا دەپ «قىلىشىن» سەرمەي سالادى. ونىڭ ارتىندا نە بولادى، نە قويادى، وعان وي جۇگىرتىپ جاتپايدى. ءجۋرناليستىڭ ەتيكا، مادەنيەتى دەگەن بولماي ما؟ مىنە، وسى عايبات ايتىلعان سوزدەردەن ادامنىڭ ار-نامىسىنا تيەتىن پىكىرسىماقتاردان سوندا «كىم جامان، شەنەۋنىك جامان، كىم جامان لاۋازىمدى تۇلعالار جامان» دەگەن وي قالىپتاسادى. ول ويدى قالىپتاستىرعان مەنىڭ ارىپتەستەرىم. ەلدىڭ تىنىشتىعى، ىڭتىماق-بىرلىگى وسىدان بۇزىلادى. «باعالاي بىلمەگەنگە ب ا ق قونبايدى، قۋانا بىلمەگەنگە قۇت قونبايدى» – دەپ ءابىش اعام ايتپاقشى، اعايىن-اۋ! جان-جاقتارىنا قاراساندارشى ءبىر ساتكە! قاتىقتاي ۇيىپ وتىرعان اناۋ اراب ەلدەرى، سونداي-اق باسقا دا مەملەكەتتەردىڭ شات شالەكەيى شىعىپ، ءىرىپ-شىرىپ جاتقانىن كورمەي، بىلمەي تۇرسىزدار ما؟ قازاقستانىمىزدىڭ تىنىشتىعىنا قىزعانا قاراۋشىلار قانشاما؟ ىرىتكى سالعىسى كەلىپ نەبىر قۇيتۇرقى وسەك-اياڭدى بۇرقىراتىپ جاتقانداردىڭ كوزدەگەنى بەسەنەدەن بەلگىلى عوي.
جۋرناليست حالىق پەن بيلىكتىڭ اراسىندا التىن كوپىر ەكەنى بەلگىلى.. شەشىلمەيتىن ماسەلە جوق ،ماسەلەنى شەشەتىن دە سول بيلىك. حالىقتىڭ جانايقايىن ناقتى دەرەكتەرمەن، فاكتىلەرمەن ءورىپ، بيلىكتىڭ قۇلاعىنا جەتكىزۋ ءبىزدىڭ مىندەتىمىز. ءبىزدىڭ پارىزىمىز. مەن دە قاراپايىم جۇرتتىڭ ءبىرىمىن. كاسىبي جۋرناليست بولماسام دا، كەي-كەيدە ادىلەتسىزدىككە شىداماي، قولىما قالام الىپ، شاما شارقىم جەتكەنشە، اراشا تۇسۋگە تىرىسامىن. ماعان ول شەنەۋنىك بولسىن، قاراپايىم كۇزەتشى بولسىن، ءبارىبىر. تەك ناقاقتان-ناقاق كۇيىپ كەتپەسىن دەيمىن.
وسى ويمەن قالام تارتىپ، تالاي-تالاي ماسەلەلەردىڭ شەشىلۋىنە، تىپتەن باسپانا الا الماي جۇرگەندەردىڭ باسپانالى بولۋىنا دا مۇرىندىق بولدىم.
ەندىگى ايتپاعىم، شەنەۋنىكتەردە اسپاننان تۇسكەن جوق، ولاردا حالىقتىڭ اراسىنان شىققان قازاعىمنىڭ بالالارى. نۇرلان نىعماتۋلين مىرزا سوناۋ كومسومولدان بەرى ءوزىنىڭ بىلىمىمەن، ەڭبەكقورلىعىمەن، تياناقتىلىعىمەن كوزگە تۇسكەن، ەڭبەكپەن جەتىلگەن ازامات. ەلباسىمىزدىڭ ساياساتىن شىن جۇرەكتەن ورىندايتىن سەنىمدى سەرىگى، حالىق قالاۋلىسى. قاي سالادا قىزمەت ىستەسە دە ىسكەرلىگىمەن، جاڭاشىلدىعىمەن، قارا قىلدى قاق جاراتىن ادىلدىگىمەن، حالىقپەن ءتىل تابىسا بىلەتىن ويلىلىعىمەن كوزگە تۇسكەن بەلگىلى تۇلعا.
ارىگە بارماي-اق قويايىن، نۇرلان نىعماتۋلين پارلامەنتتە سپيكەر بولىپ قىزمەت ەتكەلى، ونىڭ تىڭ باستامالارعا ۇنەمى قولداۋشى بولىپ جۇرگەنىن، ورالحان بالام بىلمەسە دە، حالىق ءبىلىپ وتىر. ونىڭ ءوزى باس بولىپ، قانشاما رەت بايانداما جاساۋعا كەلگەن مينيسترلەردى تىعىرىققا تىرەگەنىن، دايىندىقسىز كەلگەندەرىن زالدان قۋىپ شىققانداي زىلمەن سويلەگەنىن، قارجى سالاسىنداعى تۇيتكىلدى ماسەلەلەردى تالاي رەت قاداپ-قاداپ ايتقانىن، يگەرىلمەي قالعان قارجىلاردىڭ حالىق يگىلىگىنە قىزمەت جاساماي وتىرعانىن تاپتىشتەپ وتىرىپ مالىمدەگەنى نەگە ەسكەرۋسىز قالۋى كەرەك؟
دەپۋتات دەگەن اتقا كىر كەلتىرەتىن كەي ازاماتتاردىڭ قىلىعىنا كۇيىنىپ، قانشاما جىل تارتپادا جاتقان «دەپۋتاتتىق ەتيكا» تۋرالى زاڭ جوباسىن اينالىمعا ءتۇسىرىپ، قاتاڭ شارا قولدانعان دا نۇرلان نىعماتۋلين مىرزا.
ونى ايتاسىز، ماجىلىسكە ورىنباسارلارىن جىبەرىپ، وزدەرى تاسادا قالاتىن كەي مينيسترلەر مەن اكىمدەردى قاتتى سىنعا الىپ، كەلەشەكتە دەپۋتاتتارعا ەسەپ بەرۋگە ولاردىڭ وزدەرىنىڭ قاتىسۋىن قاتاڭ تالاپ ەتكەندە وسى نۇرلان نىعماتۋلين.
ءماجىلىستىڭ اشىق بولۋىن قاداعالاپ، جالپى وتىرىستاردى تىكەلەي ەفير ارقىلى تاراتۋى دا ەرلىككە پارا پار ءىس ەمەي نەمەنە؟ بۇل دەگەنىڭىز، ءبىزدىڭ جۇمىسىمىزدى حالىق باقىلاپ وتىرسىن، كوزىمەن كورسىن، كوكىرەگىنە ءتۇيسىن دەگەن استار جاتقان جوق پا؟ وزىنە سەنىم ارتقان ەلباسىنا، قالىڭ جۇرتى قازاعىنا بۇدان ارتىق نە ىستەي الادى ەندى؟
«جەردەن جەتى قويان تاپقانداي» داۋكەس ماقالاعا قايتا ورالايىن. ورالحان بالام بىلاي كوسىلەدى. «ءماجىلىستىڭ ءتوراعاسى جۇمىسىندا نەگە جوق؟» دەگەن سۇراقتى دەپۋتاتتاردان دا سۇراپ كوردىك. شىممەن بەكىتىلگەن اعىن سۋدىڭ الدىن اشىپ جىبەرگەن سياقتى ءماجىلىس جيىنى بىتە سالىسىمەن بەت – بەتىمەن كابينەتتەرىنە اسىعاتىن حالىق قالاۋلىلارىن سوڭىنان قۋالاي ءجۇرىپ، سۇراپ بىلگەنىمىز مىناۋ: ءماجىلىس ءتوراعاسىنىڭ ورىنباسارى، دەپۋتات گۇلميرا ەسەمبايەۆاعا ءوزىمىزدى تانىستىرعاننان «دالىزدە ەشقانداي سۇراققا جاۋاپ بەرمەيمىن»، – دەپ تەرىس بۇرىلىپ، تەزىرەك ليفتىگە ءمىنىپ كەتۋگە تىرىستى.
نۇرتاي سابيليانوۆ ءماجىلىس ءتوراعاسىنىڭ سىرقاتتانىپ قالعانىن ايتادى. «مەنىڭ بىلۋىمشە، نىعماتۋلين ناۋقاستانىپ قالۋىنا بايلانىستى دەمالىسقا شىعىپ، ەم الىپ جاتىر. ءومىر بولعان سوڭ، ادام اۋىرماي-سىرقاماي تۇرمايدى عوي… ونىڭ ۇستىنە ءقازىر قىس اۋاسى. اياقاستىنان كۇن سۋىتىپ كەتتى»، – دەيدى ن.سابيليانوۆ. ال دەپۋتات ازات پەرۋاشيەۆ ءبىزدىڭ سۇراعىمىزدى مۇقيات تىڭداپ، ازدى-كەم ويلانعانىمەن، ءبىر نارسە دەۋگە ىڭعايسىزداندى عوي دەيمىن، ايتەۋىر، «بۇل ماسەلەنى ءماجىلىستىڭ باسپا ءسوز قىزمەتىنەن سۇراپ بىلگەن دۇرىس شىعار»، – دەۋمەن قۇتىلدى. ءماجىلىس اپپاراتى باسشىسىنىڭ ورىنباسارى ەر- جان نۇكەجانوۆپەن اڭگىمەلەسكەنىمىزدە، سپيكەر ن.ءنىعماتۋليننىڭ ناۋقاستانىپ قالعانىنا بايلانىستى دەمالىستا جۇرگەنىن راستادى. «ءبىز بۇعان دەيىن دە اقپارات قۇرالدارىنىڭ وسى ماندەس سۇراقتارىنا جاۋاپ بەرىپ، ءماجىلىس ءتوراعاسى ن. ءنىعماتۋليننىڭ ناۋقاستانىپ قالۋىنا بايلانىستى دەمالىستا جۇرگەنىن ايتقان بولاتىنبىز. مۇنىڭ استارىنان ەشقانداي ساياسات ىزدەۋدىڭ قاجەتى جوق شىعار»، – دەدى ول» .
كورىپ وتىرعاندارىڭىزداي بار شىندىق وسى. ەشقانداي بال اشۋعا نەگىز جوق. سويتە تۇرا جۋرناليست بالام «تۇيمەدەيدى تۇيەدەي» قىلىپ كورسەتۋگە شەبەر ەكەنىن بايقاتادى.
وزدەرىڭىز ايتىڭىزدارشى، شەنەۋنىك ادام ەمەس پە، وعان اۋىرۋعا بولماي ما؟ سونشاما ونىڭ سونىنان شام الىپ ءتۇسىپ، انانى دا، مىنانى دا ايتىپ، ءتۇرلى بولجامداردىڭ ىزىنە سالىپ، كوپتىڭ قۇلاعىن ەلەڭ ەتكىزىپ، ونى مازالاۋدىڭ نە قاجەتى بار ەدى؟ مەنىڭشە ءتيىسۋدىڭ ودان باسقا جولى بولماعاسىن، جۋرناليست، ءتۇرلى قاۋەسەتتەرگە سۇيەنىپ، بايبالامعا سالىپ وتىر. مۇنىسى ەندى ۇيات –اق!
«جاس الاشتىڭ» ءتىلشىسى ورالحان بالامنىڭ شەتەلدە بولعان وقيعانى «ارلەپ» اكەلىپ، نۇرلان مىرزاعا تاڭۋىن تۇسىنبەدىم. قانداي دەرەك كوزىنە سۇيەنىپ تۇرعانى دا بەلگىسىز؟ ناقتىلىق جوق؟ دەمەك، بۇل ماقالادا دالدىك بولماعاندىقتان – قۇنى قاتىن-وسەككە پارا پار دۇنيە بولىپ شىققان…
تاعى ايتامىن: مەن ەشكىمدى جاقتاپ ماقتاۋدان اۋلاقپىن. ەل ىشىندە داۋ بولسا سىرتتان جاۋ كەلەدى ەمەس پە؟ كەيىنگى كەزدە دەموكراتيا شاپانىن جامىلىپ الىپ، الەۋمەتتىك جەلىلەردە وسىنداي ءدۇدامال ويلارىمەن «اتىڭ شىقپاسا، جەر ورتەمەن» جالاۋلاتىپ جۇرەتىندەر كوبەيدى. عالامتور دەگەن ساناعا، قانعا تۇسكەن قارا قۇرت بولدى. نىساناعا وق دارىتا الماعاندار، ولاردىڭ وتباسىنا، ءتىپتى بالا-شاعاسىنا، جۇمىسىنا دالەلسىز سەبەپتەرمەن قارا كۇيە جاعۋدان شارشاماي ءجۇر. قۋانۋدى، جاقسىلىقتى كورۋدەن قالدىق. قازاق وسىنداي حالىق پا ەدى، بۇرىن، اينالايىندار-اۋ؟!
ەگەر ءبىز ءبىر-بىرىمىزدى جامانداۋدان، ساتۋدان ءمۇيىزىمىز شىقسا تاريحقا ۇڭىلىڭدەرشى ءبىر ءسات! مىڭ ءولىپ، مىڭ تىرىلدىك ەمەس پە؟ ىنتىماعىمىز، بىرلىگىمىزدىڭ جوقتىعىنان اقتابان شۇبىرىندىعا ۇشىراپ، عالامات اشتىقتان جارتىمىز قىرىلىپ، ساۋساعىمىزدىڭ ۇشىمەن كورسەتكەنىمىزدىڭ كەسىرىنەن قايماعىمىزدان، تالاي ارىستارىمىزدان ايرىلدىق ەمەس پە؟
ەندى ەس جيىپ، ەتەك جيناپ، تاۋەلسىزدىك العانىمىزعا 26 جىل بولىپ، بۇكىل ءتورتقۇل الەمگە تانىمال بولعانىمىزدى نەگە شۇكىرشىلىك ەتپەيمىز؟
جاقسىلىق دەمەكشى، قازىرگى مەملەكەتىمىزدىڭ ۇشان-تەڭىز حالقىنا جاساپ جاتقان، قامقورلىعىن ءبىز، جۋرناليستەر كوپ ايتا بەرمەيمىز. ويتكەنى، ءبىز ونى بىلمەيمىز، كورمەيمىز. تەك جاماندىقتى، كەلەڭسىزدىكتى جىپكە تىزۋگە شەبەرمىز. جاقسىلىقتى، يگى ىستەردى ىزدەگەن ادام تاباتىنىن ەسكەرگىمىز كەلمەيدى.
ءبىزدىڭ گازەتىمىز، ون جىلدان بەرى «نۇر وتان» پارتياسىمەن، ق ر اۋىل شارۋاشىلىق مينيسترلىگىمەن بىرلەسىپ «اۋىل ەكسپەديسياسىن» ۇيىمداستىرىپ، رەسپۋبليكامىزدىڭ تۇكپىر-تۇكپىرىن ءجيى شارلايمىز. سوندا بايقاعانىم، بايىعىسى كەلگەن، كاسىپپەن اينالىسامىن دەگەن ادامعا بارلىق جاعداي جاسالعان. اۋىلدىڭ جاعدايى ۋاقىت وتكەن سايىن جاقسارىپ كەلەدى. كەمشىلىكتە جوق ەمەس، ونىدا استاناعا ەل ارالاپ كەلىپ بيلىك وكىلدەرىن ءاشمنىڭ مينيسترىدە كەلگەن جىلدار بولدى ،ۆيسە مينيسترلەرلەر قالعان ەمەس بىرلىكتىڭ ەڭبەكتىڭ ارقاسىندا ناتيجەسى قالىڭ وقىرمان قاۋىمىنا بەلگىلى گازەتىمىزگە ۇنەمى كورگەن بىلگەنىمىزدى جەتىستىك كەمشىلىگىن جاريالاپ وتىرامىز. بيلىك تاراپىنان كوپتەگەن يگى ىستەر، جاقسىلىقتار، كومەكتەر جاسالىپ جاتىر. قالالاردا دا سولاي.
شىندىقتى مويىنداۋىمىح كەرەك، جۋرناليستەر قاۋىمى ءبىز نەگە سول جاقسىلىقتاردى كورسەتپەيمىز؟! ورالحان بالام، نەگە وسىندايدى جازباسقا. قوعامنىڭ تەك قانا قاراڭعى تۇسىن عانا شارلاماي، كۇنگەي بەتىنە دە ءجيى – ءجيى كوز سالىپ تۇرساڭشى، اراگىدىك؟ سوندا كورەر ەدىڭ بيلىكتە دە جاقسى-جايساڭداردىڭ جۇرگەنىن! «بيتكە وكپەلەپ توندى وتقا جاعا بەرۋ» جاس جۇرەكتى قاتايتىپ جىبەرەتىنىن ەسىڭنەن شىعارماشى، بوتام! سەن سەكىلدى جىگەرلى جاستار، داۋ-دامايدى، وسەك-اياڭدى اڭدىماي، حالىقتى ىنتىماققا، بىرلىككە شاقىرسا، قانداي جاراسىمدى بولار ەدى… سەنىڭ دەرەك-دايەكسىز جازىلعان «جاپتىم جالا، جاقتىم كۇيە»مىنا ماقالاڭدى گازەت باسشىلىعى قالاي بەردى ەكەن ۇيالماي؟ وسەك ايتقانمەن گازەتتىڭ بەدەلى كوتەرىلمەيدى. ونىڭ وزىڭدە بىلەسىڭ! حالىق ءقازىر مۇنى تۇسىنگەن. اۋىز وزىمىزدىكى، گازەت قولىمىزدا دەپ ايىزى قانعانشا اق ءيتتى كىرگىزىپ، كوك ءيتتى شىعارىپ ايتىلعان وسەك، كيتۇرقى ءسوز، جالا ءبىزدىڭ قازاعىمىزدىڭ كوسەگەسىن كوگەرتپەيدى. اينالايىن -اي الدە الداۋ ارباۋعا ءتۇسىپ قالدىڭبا ..؟ سايتتا جاريالانعان ماقالانىڭ استىنا جازىلعان پىكىرلەردى قاراپ وتىرىپ، كوزى قاراقتى، وقيعا ءمانىسىن تۇسىنەتىن ءبىر توپ باۋىرلارىمنىڭ پىكىرلەرىنە ريزا بولدىم. ولاردىن ىشىندە، نۇرلان نىعماتۋلينگە ىستىق ىقىلاستارىن، نيەتتەرىن بىلدىرگەندەر كوپ. «مۇنداي ۇياتسىز ادامداردى سوتتاۋ كەرەك!» دەپ اشىنا ايتقان وقىرمانداردا بارشىلىق. اللانىڭ الدىندا، ارىنىڭ الدىندا جاۋاپ بەرەدى! ارينە اۆتوردى قولداۋشىلار دا بار…
ءيا، از قازاقتىڭ ءىشىن الا تايداي ءبۇلدىرىپ، ارانداتۋشىلاردىڭ ميعا سىيمايتىن ارەكەتتەرىن كورىپ، انالىق جۇرەگىم جىلايدى. مۇنداعى ولاردىڭ ماقساتى نە، مەن سونى تۇسىنبەيمىن. ەلدىڭ بىرلىگىن، ىنتىماعىن نىعايتۋدىڭ ورنىنا مۇنىسى نەسى دەپ نازالانامىن. قالام ءسوزى قۇران كىتابىندا جازىلعان: قالام – ول قاسيەتتى، ول كيەلى نارسە. ونىمەن بايقاپ جۇمىس ىستەمەسەڭ، ءبىر ەلدى تۇپ-تامىرىمەن قۇرتىپ جىبەرۋگە قاۋقارى بار. ءقادىرلى ارىپتەستەر، جەڭىل سەنساسيا ىزدەمەيىك! ەلدىڭ بىرلىگىنەن تىنىشتىعىنان ارتىق نە كەرەك…! ساليقالى ويلار ايتايىق! ءبىز بۇيتە بەرسەك، ەل الدىندا تىرنەكتەپ جيعان ابىرويىمىزدان ايىرىلىپ قالامىز، بەدەلىمىز تومەندەيدى.
ءاربىر ءسوزىمىزدى قاستەرلەپ، ەلدىڭ بولاشاعىن ويلاپ وتىرىپ جازايىق! كۇيە جاعا بەرۋ بەرەكە اكەلمەيدى، ابىروي اپەرمەيدى. انالىق جۇرەكتەن شىققان ءسوزىمدى مارقۇم ءاب- اعانىڭ سوزىمەن اياقتاعىم كەلىپ تۇر. «باعالاي بىلمەگەنگە ب ا ق قونبايدى، قۋانا بىلمەگەنگە قۇت قونبايدى» دەگەندەي باعىمىزدى، وسى جەتكەنىمىزدى، يگىلىكتەرىمىزدى، جاقسى ازاماتتارىمىزدى باعالاي بىلەيىك، جانە وسىنى ەستەن شىعارمايىق، ورالحان بالام!
ساۋلە مەشىتباي قىزى
ق ر ەڭبەك سىڭىرگەن قايراتكەرى، ق ر جۋرناليستەر وداعىنىڭ مۇشەسى، “ەلانا” قوعامدىق، الەۋمەتتىك، تانىمدىق، اقپاراتتىق سايتىنىڭ باس رەداكتورى جانە «قازاقستانZaman»حالىقارالىق گازەتىنىڭ باس ديرەكتورى
