ءال-فارابي اتىنداعى قازاق ۇلتتىق ۋنيۆەرسيتەتى مەن قازاق ۇلتتىق اگرارلىق ۋنيۆەرسيتەتىندە ەكى ستۋدەنتتىڭ تۋبەركۋلەزدىڭ اشىق تۇرىمەن اۋىراتىندارى انىقتالدى. بۇل جايىندا Qamshy.kz اقپارات اگەنتتىگى.
ستۋدەنتتەرمەن سوڭعى كەزدەرى بايلانىستا بولعان 50 ستۋدەنت تۋبەركۋلەزگە قارسى ديسپانسەرگە جىبەرىلدى.
ءال-فارابي اتىنداعى قازۇۋ-دا ستۋدەنتتىڭ اۋرۋعا شالدىققانى مەديسينالىق تەكسەرىس بارىسىندا انىقتالعان.
«اقپان ايىندا تۋبەركۋلەزدىڭ اشىق تۇرىمەن اۋىراتىن ەكى ستۋدەنت انىقتالدى. بىرەۋى ءال-فارابي اتىنداعى قازۇۋ ستۋدەنتى، ەكىنشىسى قازاتۋ ستۋدەنتى. جالپى، 2017 جىلى قازۇۋ-دا 5 ستۋدەنت انىقتالعان. بيىل دا ول جاعداي ازايماي وتىر. قازاتۋ-دا 2017 جىلى ەكى تۋبەركۋلەز ستۋدەنت انىقتالعان بولاتىن. قىزدار پەداگوگيكالىق ۋنيۆەرسيتەتىندە 2017 جىلى 7 جاعداي تىركەلگەن. تۋبەركۋلەزبەن اۋىراتىن ستۋدەنتتەردىڭ بارلىعى جاتاقحانا تۇرعىندارى»، - دەدى الماتى قوعامدىق دەنساۋلىق ساقتاۋ باسقارماسىنىڭ باسشىسى ايزات مولداعاسيموۆا.
دارىگەرلەردىڭ ايتۋىنشا، جوعارعى وقۋ ورىندارىندا تۋبەركۋلەزدىڭ ءقاۋىپتى فورمالارىمەن اۋىراتىن ستۋدەنتتەر شىعىپ تۇرادى. ونىڭ باستى سەبەبى، ادامعا لىق تولى ءارى ەسكى جاتاقحانالار مەن لاس اۋديتوريالار.
الماتىلىق سانيتاريالىق دارىگەرلەر قالا پروكۋراتۋراسىنا شاعىم تۇسىرمەك. ولار اۋرۋ شىققان وقۋ وردالارىنىڭ باسشىلارى مەن الماتىلىق ستۋدەنتتەر مەديسينالىق تەكسەرۋدەن وتەتىن ورتالىقتاردىڭ اكىمشىلىك جاۋاپقا تارتىلۋىن سۇراماق.
