12 جىلدىق ءبىلىم بەرۋ جۇيەسىنە كوشۋدى كەزەڭ-كەزەڭىمەن جالعاستىرۋ كەرەك. بۇل تۋرالى بۇگىن اقوردادا وتكەن ۇكىمەتتىڭ كەڭەيتىلگەن قۇرامدى وتىرىسىندا مەملەكەت باسشىسى نۇرسۇلتان نازاربايەۆ ايتتى.
"وتاندىق مەكتەپتەردەگى ءبىلىم بەرۋ سالاسىندا "بالاپان" باعدارلاماسىن جۇزەگە اسىرۋدى، ورتا ءبىلىم بەرەتىن مەكتەپتەردە 12 جىلدىق جۇيەگە كوشۋدى كەزەڭ-كەزەڭمەن جۇزەگە اسىرۋدى جالعاستىرۋ قاجەت" دەدى ەلباسى ن. نازاربايەۆ.
سونداي-اق، مەملەكەت باسشىسى مەملەكەتتىك بالاباقشالاردى جەكەشەلەندىرمەۋ كەرەكتىگىن اتاپ ءوتتى.
اقش پرەزيدەنتىنىڭ "مەكتەپكە دەيىنگى ءبىلىم بەرۋ مەملەكەتتىڭ باستى باسىمدىعى" دەگەن ءسوزىن مىسالعا الا وتىرىپ، ءبىزدىڭ دە وسى جولدان تايماۋىمىز كەرەك دەدى ەلباسى نۇرسۇلتان ءابىش ۇلى.
سونىمەن قاتار، مەملەكەت باسشىسى ءوز سوزىندە جەكە مەنشىك بالاباقشالاردى سالۋ ىسىندە جان-جاقتى قولداۋلار كورسەتىلۋ كەرەك ەكەنىن دە نازاردان تىس قالدىرمادى.
