يت تىرلىك – اۋىل جاعدايى.
يت قىرىلعان جىل – قازاقتىڭ قالماقتاردى جەڭگەن كەزى.
يت ءولىم – قاڭعىباستىڭ و دۇنيەگە اتتانۋى.
يتشىلەۋ – بازار، ۆوكزالدا تاشكى سۇيرەتۋ.
يتتەي بولۋ – پاتەر جالداۋ.
يتكوزدەنۋ – كىندىگىن اشىپ جۇرەتىن قىزدارعا قاراۋ.
يت مىنەز – باستىقتاردىڭ بولمىسى.
يت ولگەن جەر – شالعايداعى اۋىلدار.
يتكۇركە – ساياجاي.
ينە جۇتقان يتتەي كۇن كەشۋ – جاتاقحانا ستۋدەنتتەرىنىڭ اش قارىن ءجۇرۋى.
يتسيگەك – دارەتحانا.
يتالاقاز – امەريكا قۇراما شتاتتارى.
يتمۇرىن – جەردى «تىمىسكىلەگەن» گەولوگ، ارحەولوگتار.
يتبالىق – ۆودولاز.
يت-قۇس – شەتەلدىك ينۆەستورلار.
يتجاندى – كەدەي جانە قايىرشىلار.
يتاياق – ستاتيستيكا.
يت تەرىسىن باسىنا قاپتاۋ – مۇحتار شاحانوۆتىڭ انا تىلىنەن ماقۇرىم قازاقتاردى سىناۋى.
يتجەيدە – ولشەپ ساتىلاتىن ارزان كيىمدەر.
ءيتتىس – سوعىسقۇمار پرەزيدەنتتەردىڭ ازۋى.
يت قورىعان جەرگە ءوش – جەزوكشەلەر جايلاعان كوشەلەر.
يتجەككەن – «جەتىم بۇرىش».
يت جوقتا شوشقا ۇرەدى – قازاقستانداعى ورىس ءتىلىنىڭ ۇستەمدىگى.
يت ءيتتى، يت قۇيرىعىن جۇمسايدى – ءبىر تاپسىرمانى وبلىس باسشىسى اۋدان اكىمىنە، ال اۋداندىكى اۋىل اكىمىنە بەرەدى.
اۋزىنا اق يت كىرىپ، كوك يت شىقتى – تەمەكى شەگىپ تۇرعان ادام.
يتشە ىرىلداسۋ – ايتىس ونەرىندەگى اقىنداردىڭ سايىسى.
يت پەن مىسىقتاي – بيلىك پەن وپپوزيسيانىڭ اراقاتىناسى.
ءيتىم ءبىلسىن – «جۇبايىم ءبىلۋى ءتيىس».
يت سىلىكپەسىن شىعارۋ – ايىقتىرعىشتاعى ماستاردىڭ «قالتاسىن قاعۋ».
يت بايلاسا تۇرعىسىز – مونوقالالار.
يت ۇرەدى، كەرۋەن كوشەدى – ب ا ق سىنىنان شەنەۋنىكتەر ناتيجە شىعارمايدى.
ءۇيدىڭ كىشىسى بولعانشا، ءيتتىڭ كۇشىگى بول – شەشەنستانعا شابۋىل جاساعان رەسەيدىڭ تالابى.
ۇيكۇشىك – وسكەمەنگە قوسىلعان سەمەي مەن قوستاناي قاراماعىنداعى تورعاي.
كۇشىك كۇيەۋ – تاۋەلدى مەملەكەت.
سۇتكە تيگەن كۇشىكتەي – جۇمىسسىز قالعان ادام.
يتارشى – ساياسي وكىلدەر.
يتشانا – مينيسترلىك جەتەگىندەگى اگەنتتىك، دەپارتامەنتتەر.
«كەت!» دەگەندە يت تە كەتەدى – جەلتوقسان كوتەرىلىسىنەن كەيىن كولبيننىڭ تاقتان تايۋى.
يتتەن دە جامان – ستالين.
يتشە ۇلۋ – كەيبىر ەسترادا «جۇلدىزدارىنىڭ» سيقى.
يت جىلى – ايتپاسا دا تۇسىنىكتى عوي.
ەركەعالي بولات ۇلى
