بريتاندىق عالىمدار يتتەردىڭ ادامنىڭ تۇرىنە قاراپ، ونىڭ اشۋلى نەمەسە كوڭىلدى ەكەنىن اجىراتا الادى دەگەن قورىتىندىعا كەلدى.
The Independent باسىلىمىنىڭ جازۋىنشا، زەرتتەۋ بارىسىندا يتتەر ادامنىڭ ءتۇرىن ەستە ساقتاپ، كەيىن ونى اشۋلى نەمەسە كوڭىلدى تۇردە تۇسكەن سۋرەتى بار سەنسورلىق ەكراندا تابۋى كەرەك بولعان.
ەگەر ادام يتكە كوڭىلدى تۇرمەن كورىنگەن بولسا، يتتەر ەكرانداعى كوڭىلدى سۋرەتتى تاڭداپ باسقان. ال ادامنىڭ قاباعى قاتۋلى بولعان جاعدايدا، يتتەر ەكرانداعى اشۋلى تۇسكەن سۋرەتتى تاڭداعان.
يتتەردىڭ ءار دۇرىس جاۋابى ءۇشىن ىنتالاندىرۋ رەتىندە تاماق بەرىپ وتىرعان. وسىلايشا يتتەردىڭ دۇرىس جاۋابى 65-80%-دى قۇراعان.
ءبىراق عالىمدار ءالى يتتەردىڭ ادامنىڭ كوڭىل-كۇي اۋانىن تۇرىنە قاراپ قالاي اجىراتا الاتىنىنا جاۋاپ تابا الماي وتىر. "كازينفورم"
پىكىر قالدىرۋ