«كاسپەرسكيي زەرتحاناسى» بىرنەشە ەلدىڭ حاكەرلەرى قاتىسقان كيبەر الاياقتىقتى انىقتادى، دەپ جازادى NYT. شوتتاردان الەمنىڭ 30 ەلىندەگى 100-دەن استام بانك كليەنتتەرىنىڭ 300 ملن دوللارى ۇرلانعان.
«كاسپەرسكيي زەرتحاناسى» 2013 جىلدىڭ سوڭىندا بانك ۇرلىقتارىن زەرتتەۋگە تارتىلعان بولاتىن. انىقتالعان الاياقتىق تاريحتاعى ەڭ ءىرى بانك ۇرلىعىنىڭ ءبىرى بولۋى مۇمكىن. حاكەرلەر جالعان شوتتاردى قولدانا وتىرىپ، رەسەي، جاپونيا، شۆەيساريا، اقش جانە نيدەرلاندى بانكتەرى كليەنتتەرىنىڭ ميلليونداعان دوللارىن جىمقىرعان ەكەن.
NYT ماقالاسىنا سايكەس، «كاسپەرسكيي زەرتحاناسى» 300 ملن دوللاردىڭ ۇرلانعانىن دالەلدەپ شىققان. كومپانيانىڭ مالىمەتىنشە، ۇرلانعان قارجى بۇدان ءۇش ەسە كوپ بولۋى مۇمكىن. زەرتتەۋدە الەمنىڭ 30 ەلىندەگى 100-دەن استام بانك پەن وزگە دە قارجى ينستيتۋتتارىنىڭ كليەنتتەرى حاكەرلەردىڭ قۇربانىنا اينالعانى ايتىلعان.Bnews.kz
پىكىر قالدىرۋ