ورتالىق كوممۋنيكاسيالار قىزمەتىندە قازاقستان رەسپۋبليكاسى مەن ماجارستاننىڭ اراسىندا ءبىلىم بەرۋ سالاسىنداعى ىنتىماقتاستىق تۋرالى باسپا ءسوز كونفەرەنسياسى ءوتتى، دەپ حابارلايدى Qamshy.kz اقپارات اگەنتتىگى.
ءىس-شاراعا قازاقستان رەسپۋبليكاسى ءبىلىم جانە عىلىم ۆيسە-مينيسترى اسحات ايماعامبەتوۆ جانە قازاقستان رەسپۋبليكاسىنداعى ماجارستاننىڭ توتەنشە جانە وكىلەتتى ەلشىسى دوكتور باراني اندراش قاتىستى.
ۆەنگريامەن ىنتىماقتاستىق 2013 جىلدىڭ 19 قاراشاسىنداعى قازاقستان رەسپۋبليكاسىنىڭ ءبىلىم جانە عىلىم مينيسترلىگى مەن ۆەنگريانىڭ ادامي رەسۋرستار مينيسترلىگى اراسىنداعى كەلىسىم اياسىندا جۇزەگە اسىرىلىپ جاتىر.
وسى كەلىسىم اياسىندا ۆەنگرلىك تاراپ قازاقستان ازاماتتارى ءۇشىن 45 گرانت بولەدى، ونىڭ ىشىندە باكالاۆتريات بويىنشا 20، ماگيستراتۋرا بويىنشا 20 جانە دوكتورانتۋرا بويىنشا 5 گرانت بار.
قازاقستاندىق تاراپ 45 گرانت بولەدى، ونىڭ ىشىندە باكالاۆتريات بويىنشا 20، ماگيستراتۋرا بويىنشا 20 جانە دوكتورانتۋرا بويىنشا 5 گرانت بار.
وسى كەلىسىم بارىسىندا ستۋدەنتتەرمەن بالامالى الماسۋ 2014 جىلى باستالدى. وسىلايشا، ۆەنگريا جوو-نا 2014 جىلى وقۋعا 40، 2015 جىلى 45، 2016 جىلى 47 قازاقستان ازاماتى جىبەرىلگەن.
2016 جىلى ۆەنگرلىك تاراپ باستاماسى بويىنشا وسى كەلىسىمگە وزگەرىستەر مەن تولىقتىرۋلار ەنگىزىلگەن بولاتىن، گرانتتار سانى 45-تەن 200-گە دەيىن كوبەيتىلدى.
وسىلايشا، 2017 جىلدىڭ 27 ناۋرىزىندا ديپلوماتيالىق قاتىناستاردىڭ 25 جىلدىعى اياسىندا ق ر ءبىلىم جانە عىلىم ءمينيسترى ەرلان ساعادييەۆ جانە قازاقستانداعى ۆەنگريا ەلشىسى اندراش باراني 2013 جىلعى 19 قاراشاسىنداعى ءبىلىم بەرۋ سالاسىنداعى ىنتىماقتاستىق تۋرالى قازاقستان رەسپۋبليكاسىنىڭ ءبىلىم جانە عىلىم مينيسترلىگى مەن ۆەنگريانىڭ ادامي رەسۋرستار مينيسترلىگى اراسىنداعى كەلىسىمگە وزگەرتۋلەر مەن تولىقتىرۋلار ەنگىزۋ تۋرالى حاتتاماعا قول قويدى.
وسى حاتتاماعا سايكەس ۆەنگرلىك تاراپ 2017 جىلدان باستاپ قازاقستان ازاماتتارى ءۇشىن 200 گرانت بولەدى، ونىڭ ىشىندە باكالاۆريات بويىنشا 90، ماگيستراتۋرا بويىنشا 90 جانە دوكتورانتۋرا بويىنشا 20 گرانت بار.
قازاقستاندىق تاراپ 45 گرانت بولەدى، ونىڭ ىشىندە باكالاۆتريات بويىنشا 20، ماگيستراتۋرا بويىنشا 20 جانە دوكتورانتۋرا بويىنشا 5 گرانت بار.
پىكىر قالدىرۋ