رەسەي بيلىك باسىنداعىلار سوڭعى ۋاقىتتارى تاۋەلسىز قازاق مەملەكەتىنىڭ تاريحي تەرريتورياسىنا قاتىستى قيىنسىز دەرەكتەردى ءجيى ايتۋدا. مىسالى، جۋىردا رەسەي دۋماسىنىڭ جيرەن سارىسى (جيرينوۆسكيي) قازاقستاننىڭ سولتۇستىك ايماقتارى رەسەيدىڭ جەرى، ورتا ازيا ەلدەرى ۇلى رەسەي فەدەراسياسىنىڭ  فەدەرالدى وگرۋگتەرى بولۋى ءتيىس دەگەن ەدى. ارتىنشا، ورىس پرەزيدەنتى ۆ.پۋتين  " قازاقستاندا بۇرىن-سوڭدى مەملەكەت بولماعان" دەپ،  جۋرناليستتەرمەن كەزدەسۋ بارىسىندا  ايتقان بولاتىن.  "ءوزىڭدى ءوزىڭ مىقتى تۇت، كورشىڭدى ۇرى تۇتپا" دەگەن قازاقتىڭ ماقالىندا ايتىلعانداي، ءبىز تاعى كورشىلەردىڭ كولدەنەڭ سوزدەرىنە ءلام-ميم دەگەن جوقپىز. ەندى مىنە، ومبى وبلىسى باسشىلارى سولتۇستىك قازاقستان مەن تەرريتورتيالىق ايىرباس ماسەلەسىن كوتەرىپ وتىر. بۇل تۋرالى "كازتاگ"  حابارلادى.    ومبى وبلىسى گۋبەرناتورى ۆيكتور نازاروۆ پەن سقو اكىمى ەرىك سۇلتانوۆ  شەكارا ايماعىندا ورنالاسقان "رۋسسكايا پوليانا"  اۋىلدىق وكرۋگىنە بايلانىستى ەكىجاقتى  تەرريتوريالىق ايىرباس جاساۋعا نيەتتى. سقو اكىمى ەرىك سۇلتانوۆتىڭ ومبىعا رەسمي ساپارى بارىسىندا ومبى گۋبەرناتورى: "ءبىزدىڭ رۋسكايا پوليانا دەگەن اۋىلىمىز بار. اۋىل تۇرعىندارى گۋبەرنيا ورتالىعىنا قاتىناۋى ءۇشىن قازاقستاننىڭ شەكاراسىن باسىپ وتەدى. بۇل  تۇرعىندار ءۇشىن قولايسىزدىق تۋدىرىپ وتىرعان ماسەلە. بۇگىندە وسى شەكارالىق ايماقتاردا دەماكراسيا جۇرگىزىلۋدە. ەگەر وسى جەردى ومبى گۋبەرياسىنا بەرسەڭىزدەر، ءبىز ءدال سول كولەمدەگى جەردى، تابيعاتى، كليماتتىق جاعدايى سايكەس كەلەتىن اۋماقتى قازاقستاننىڭ تەرريتورياسىنا تاپسىرامىز. ءبىز ەكى جاققا دا ءتيىمدى ۇسىنىستى باستاما ەتىپ وتىرمىز،"-دەپ مالىمدەدى.