قازاقستاندىق كاسىپقوي بوكسشى قانات يسلام مەن ارگەنتينالىق گۋيدو نيكولاس پيتتو 2015 جىلدىڭ 1 ناۋرىزىندا ماسكەۋدە WBA International چەمپيوندىق بەلبەۋىن ساراپقا سالادى.

بۇل وتانداسىمىزدىڭ كاسىبي كارەراسىنداعى 19-كەزدەسۋى. وڭتۇستىك امەريكالىق بوكسشى بۇگىنگە دەيىن 22 جەكپە-جەك وتكىزىپ، 19-ىندا جەڭىسكە جەتكەن (8 نوكاۋت)، ال ۇشەۋىندە جەڭىلگەن.

ال قانات يسلام شارشى الاڭدا 18 كەزدەسۋ وتكىزىپ، بارلىعىندا جەڭىسكە جەتتى (15 نوكاۋت). ايتا كەتۋ كەرەك، بۇل جولعى جەكپە-جەكتە بوكسشىلار ورتا سالماقتاعى WBA International بەلبەۋىن ساراپقا سالادى.

وتكەن جىلدىڭ قورىتىندىسى بويىنشا 7-ورىندا تۇرعان قازاقستاندىق بوكسشى 2015 جىلدىڭ قاڭتارىندا 2 ورىن سىرعىپ 9-ورىنعا تۇراقتادى.

قانات وتكەن جىلدىڭ تامىزىنان بەرى جەكپە-جەك وتكىزبەگەن ەدى. ول سوڭعى كەزدەسۋىندە كولۋمبيالىق فيدەل مونتەرروسا مۋنوستى 5-راۋندتا نوكاۋتپەن ۇتتى. Bnews.kz